Jóńkilgen sý Pavlodar oblysynyń Baıanaýyl aýdanyna jetti
PAVLODAR. QazAqparat - Baıanaýyl aýdanynyń turǵyndary bıylǵy sýdyń ádettegiden kóp ekenin aıtýda, dep habarlaıdy «QazAqparat» HAA tilshisi.
Qardyń kóp túsýinen 2017 jyly Pavlodar oblysynyń Baıanaýyl aýdanynda sý deńgeıi kóterildi. Turǵyndardyń kópshiligi óz eldi mekenderinen ketýge qorqady, sebebi respýblıkalyq mańyzy bar trassalarǵa shyǵar joldy sý basqan.
«Qar sýlary taýdan da, jazyq daladan da kelip jatyr. Meniń oıymsha, búgin túnde qar erı bastady, - dep pikir bildirdi Baıanaýyl aýdanynyń ákimi Orazgeldi Qaıyrgeldınov. - Sý taǵy 10 kún júredi. Negizgi tasqyn jolyna tósemeni nyǵaıttyq jáne qosymsha taǵy úsh shaqyrym úıindi turǵyzdyq. Sýdy aýyldan buryp áketý úshin trassa arqyly kanal qazdyq. Osylaısha, sýdy dalaǵa jiberemiz».
Aýdannyń Jańatilek, Qaraaşy, Teńdik jáne Kóktompaq aýyldary sý astynda qalýy múmkin, dep habarlady aýdandyq ákimdik. Olar Qaraǵandy oblysymen shekaralas aýmaqta ornalasqan. Úılerdi sý baspaý úshin qutqarýshylar eldi mekenderde táýlik boıy kezekshilik etýde jáne arnaıy tehnıka jumys isteýde.
