Jońǵar Alataýynda taýtekeler fototuzaqqa túsip qaldy
ASTANA. KAZINFORM — Jońǵar Alataýy memlekettik ulttyq tabıǵı parkiniń taýly aýmaqtarynda júrgizilgen monıtorıng kezinde beınebaqylaý qurylǵysyna taýtekeler (Capra sibirica) túsip qaldy.
Bıik taýlar men tik jartastar — taýtekeniń tabıǵı mekeni. Ol kúrdeli jer bederine jaqsy beıimdelgen jáne taýly ekojúıedegi qorektik tizbektiń mańyzdy bóligi sanalady.
Mundaı kadrlar tek qyzyqty kórinis emes. Beınematerıaldar mamandarǵa taýtekelerdiń mekendeý ortasyn, qozǵalysy men minez-qulqyn zertteýge múmkindik beretin qundy ǵylymı derek beredi.
Al bizge Jońǵar Alataýyndaǵy jabaıy tabıǵattyń kúndelikti tirshiligin bir sátke baqylaýǵa múmkindik beredi.
Aıta ketelik «Altyn-Emel» ulttyq parkinde taýeshkiler toby fototuzaqqa túsken edi.
