Jońǵar Alataýynda qońyr aıýǵa qatysty kútpegen jaǵdaı boldy
ASTANA. KAZINFORM — Jońǵar Alataýy memlekettik ulttyq tabıǵı parkinde Tıan-Shan qońyr aıýy tamaqtyń ıisine elitip, tipti týrıster toqtalǵan aǵash úıge deıin kelgen. Bul týraly ulttyq parktiń baspasóz qyzmeti málim etti.
— Atalǵan jaǵdaı «Jońǵar Alataýy MUTP» RMM-niń Attapqan shatqalynda ornalasqan uzaq merzimdi seriktestik aýmaǵy — «Tabıǵat ORH» JShS aýmaǵynda tirkeldi. Tıan-Shan qońyr aıýy adamǵa sırek shabýyl jasaıtyn ańdardyń qataryna jatady. Aldyn ala málimet boıynsha, aıý atalǵan aýmaqqa taǵam ıisine baılanysty kelgen. Oqıǵa saldarynan zardap shekkender joq, — delingen habarlamada.
Ulttyq park qyzmetkerleri jabaıy janýarlardy kórgen jaǵdaıda olardy tamaqtandyrýǵa tyryspaýǵa shaqyrdy. Sondaı-aq, park aýmaǵynda tamaq qaldyqtaryn qaldyrmaý jóninde qatań eskertý jasady.
Qaýipsizdik erejelerin qatań saqtap, tabıǵatqa janashyrlyqpen qaraýǵa shaqyrdy.
Eske sala keteıik, buǵakn deıin Іle Alataýy memlekettik ulttyq tabıǵı parki 2026 jylǵy aqpan aıynda spýtnıktik qarǵybaý taǵylǵan ilbisti baqylaý jumystaryn jalǵastyryp otyrǵanyn jazdyq. Jyrtqysh ózine tán meken etý aýmaǵynda erkin qozǵalyp júrgenin baıqaýǵa bolady.
