Jońǵar-Alataý ulttyq saıabaǵynda ilbis kameraǵa ilikti
NUR-SULTAN. QazAqparat - Jońǵar-Alataý memlekettik ulttyq tabıǵı parki aýmaǵynda ǵalymdar ilbisti (qar barysy) fototuzaqqa túsirdi, dep habarlaıdy QazAqparat tilshisi.
Bul týraly Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook-tegi paraqshasynda jazdy
«Qazaqstanda 130-150-ge jýyq ilbis (qar barysy) mekendeıdi.Ulttyq parktiń mamandary jabaıy janýarlardyń sany men qorǵalýyn baqylaýdy eskere otyryp fototuzaqtar ornatýda. Bıyl Jońǵar-Alataý ulttyq saıabaǵynda ilbis kamera obektıvine 5 ret ilikti. Sońǵy kadrlar 2019 jyldyń qarashasynda túsirilgen», - dedi Sáken Dildahmet.
Onyń aıtýynsha, bul sýretterdiń bári janýarlardy saqtaýǵa baǵyttalǵan sharalardyń nátıjesi.
