Jóndeý jumystaryna baılanysty Astananyń birneshe kóshesinde kólik qozǵalysy jabyldy

Bul týraly elordalyq jol polıtsııasynyń baspasóz qyzmetinen habarlady.

Jylý qubyrlarynyń tartylýyna baılanysty, shildeniń 28-inen bastap Á.Moldaǵulova kóshesiniń Jeńis dańǵyly men V.Potanın kóshesiniń aralyǵyndaǵy ýchaskesinde kólik qozǵalysy shektelip otyr. Jóndeý jumystary aptanyń sońyna deıin aıaqtalady dep kútilýde.

Sondaı-aq jol jumystaryna baılanysty Abaı dańǵylynyń E.Brýsılovskıı kóshesinen Sh.Ýálıhanov kóshesine qaraı baǵyttaǵy ýchaskesinde kólik qozǵalysyna jartylaı shekteý engizildi.

Jol polıtsııasy basqarmasy júrgizýshilerden balama baǵyttardy aldyn ala tańdap, jol belgileri men ınspektorlardyń nusqaýlaryn múltiksiz oryndaýdy ótinedi.