Jóndeý jumystaryna baılanysty Astana kósheleriniń birqatary jabylady
ASTANA. 18 mamyr. QazAqparat - Astanada asfalt tóseý jumystaryna baılanysty 19 mamyr, senbi kúni tańerteńgi saǵat 09.00-den bastap
Kenesary kóshesiniń Saryarqa dańǵylynan Jeńis dańǵylyna deıingi bóliginde qozǵalys shekteledi. Qozǵalys 21 mamyr kúni qaıta jandanady dep josparlanýda.
Sondaı-aq senbi kúni saǵat 22.00-den bastap 1 shildege deıin Aqan seri kóshesiniń Tilendıev dańǵylynan Oqjetpes kóshesine deıingi ýchaskesinde avtokólik joly jabylady. Osy bólikte Jolaýshylar kóligi jáne avtomobıl joldary basqarmasy Aqan seri kóshesiniń qurylysy jobasynyń negizgi kezeńin júzege asyrýǵa kirisedi.
Jol qozǵalysyn shekteý keń kólemdi ınjenerlik jelilerdi ornatý jumystarymen baılanysty.
Aqan seri kóshesi boıymen qalalyq qoǵamdyq kólik qozǵalysy kelesi baǵytta ózgeredi:
- №16 baǵyt - N. Tilendıev dańǵyly - Qartaly kóshesi - Talapker kóshesi -Karbyshev kóshesi, odan ári qazirgi qozǵalys kestesine saı. Keri baǵytta qazirgi qozǵalys kestesi boıynsha.
- №103 baǵyt - N. Tilendıev dańǵyly - Sh.Beısekova kóshesi - Fahd ben Abdýll Azız kóshesi - K.Baıseıitova kóshesi, odan ári qazirgi qozǵalys kestesine saı. Keri baǵytta osy keste boıynsha.
Astana qalasynyń Jol polıtsııasy basqarmasy elorda turǵyndary men qonaqtaryna aldyn ala basqa qozǵalys baǵytyn tańdap, muqııat bolýǵa, sondaı-aq jol belgilerin qatań saqtap, jol polıtsııasy qyzmetkerleriniń talaptaryn oryndaýǵa shaqyrady.
