Jóndeý jumystaryna baılanysty Astana kóshelerinde jol jabylady
ASTANA. QazAqparat - Astana qalasynyń Jolaýshylar kóligi jáne avtomobıl joldary basqaramasynyń habarlaýynsha, «Kúmisbekov-Saryarqa-Bógenbaı batyr-Seıfýllın kósheleri shekaralarynda A, B «Slobodka» josparly aýdanynda ınjenerlik júıeler men jol qurylysy. Іshki kvartaldyq joldar qurylysy» jobasy júzege asyryla bastady.
Osyǵan baılanysty 27 sáýirden kelesi ýchaskelerde kólik qozǵalysy shekteledi: Áýezzov kóshesiniń qıylysy, Jangeldın kóshesinen Kýbrın kóshesine deıin; Kýbrın kóshesi, Áýezov qıylysynan Saryarqa dańǵylyna deıin. Іshki kvartaldyq joldardy salý barysynda sý qubyrlaryn tartý, jaýyn-shashyn sýlary úshin kanalızatsııalar ornatý, jylý magıstraldary qurylysy, aýmaqty túngi jaryqtandyrý men abattandyrý jumystary júrgiziledi. Atalǵan aýmaqtardaǵy jol qozǵalysy jospar boıynsha 1 shildede ashylady. Júrgizýshiler úshin tıisti jol belgileri ornatylǵan, dep habarlaıdy astana.kz.
