Jóndeý jumystaryna baılanysty J. Nájimedenov kóshesinde qozǵalys shekteledi
ASTANA. KAZINFORM — Astanada J. Nájimedenov kóshesiniń Q. Amanjolov kóshesinen Uly Dala dańǵylyna (A-52 k-si) deıingi aralyǵynda jol tósemine jóndeý júrgiziledi. Bul týraly Astana qalasynyń ákimdigi málim etti.
Osyǵan baılanysty, 4-9 maýsym aralyǵynda osy ýchaskede qozǵalys ishinara jabylatyn bolady. Bul rette kólik qozǵalysy joldyń bir jaǵymen uıymdastyrylady.
Júrgizýshiler men jaıaý júrginshiler júrý baǵytyn aldyn ala josparlaýy, múmkin bolatyn ózgeristerdi eskerýi qajet. Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Eske sala keteıik, 4–5 maýsymy aralyǵynda Aqan Seri kóshesiniń N. Tilendıev dańǵylynan Qaramendi bı Shaqauly kóshesine deıingi ýchaskesinde jol tósemesiniń ústińgi qabatyn tóseý jumystarynyń júrgizilýine baılanysty atalǵan ýchaskede kólik qozǵalysy tolyqtaı jabylatyn bolady.
31 mamyr men 15 maýsym aralyǵynda N. Tilendıev dańǵylynyń Barshyn kóshesinen kólik jolaıryǵyna deıingi ýchaskesinde jóndeý jumysy júrgizilip jatyr.
Búgin sondaı-aq Astanada 5 maýsymnan 5 shildege deıin Tóle bı kóshesiniń Buhar Jyraý kóshesinen Uly Dala dańǵylyna deıingi aralyǵynda jol jamylǵysyn jóndeý júrgiziletini habarlandy.
