17:53, 17 Shilde 2024 | GMT +6
Jóndeý jumystaryna baılanysty Qarqaraly tas jolynyń ýchaskesi jabylady
ASTANA. KAZINFORM – Astana qalasy Kólik jáne jol-kólik ınfraqurylymyn damytý basqarmasy Juldyz aınalymynan bastap «Garden Village» kottedj kentiniń burylysyna deıingi ýchaskede Qarqaraly tas joly boıynsha jol tósemine jóndeý jumystary júrgiziletinin málim etti.
Elorda ákimdigi resmı saıtynyń málimetinshe, jóndeý jumystaryna baılanysty 17-21 shilde aralyǵynda joǵaryda atalǵan ýchaske ishinara jabylady. Bul rette qozǵalys eki baǵytta taraptardyń biri boıynsha qamtamasyz etiledi.
Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy.
Eske sala keteıik, buǵan deıin Almatyda Baıqadamov pen Gagarın kósheleriniń qıylysynda kólik qozǵalysy shekteletinin jazǵan edik.
