«Jomart júrek» syılyǵyna úmitkerlerge daýys berý bastaldy

ASTANA. QazAqparat - Qoǵamdyq damý mınıstrligi alǵash ret «Jomart júrek» syılyǵyn tapsyrady. «Jomart júrek» syılyǵy - «Rýhanı jańǵyrý» baǵdarlamasynyń «Atameken» kishi baǵdarlamasy sheńberinde uıymdastyrylyp otyrǵan biregeı joba, dep habarlaıdy QazAqparat.

Atalǵan syılyq týǵan ólkeniń damýyna eleýli úles qosqan metsenattarǵa, belsendi tulǵalarǵa, bıznes-qurylym ókilderine, eriktiler men túrli uıymdarǵa tabystalady. 

Jeńimpazdar «Jyl metsenaty», «Jyldyń úzdik uıymy», «Jyl tulǵasy», «Týǵan ólke», «Eren eriktilik» atalymdary boıynsha marapattalady.

Qatysýshyǵa jomartjurek.kz saıtynda daýys berýge bolady. Daýys berý merzimi - qarasha aıynyń 12 -25 aralyǵy. Marapattaý rásimi 6 jeltoqsanda Astana qalasynda ótedi.