«Jomart júrek-2018» syılyǵynyń laýreattary marapattaldy

Kókshetaýdaǵy Dostyq úıinde uıymdastyrylǵan sharaǵa Aqmola oblysy ákiminiń orynbasary Aına Mysyrálimova qatysyp, quttyqtaý sóz sóıledi.

«Rýhanı jańǵyrý» baǵdarlamasynyń «Týǵan jer» jobasy azamattar men bıznesmenderdiń birlesip jergilikti jerdegi məseleni sheshý, jalpyulttyq patrıotızmdi nyǵaıtý baǵytynda mańyzdy», - dedi aımaq basshysynyń orynbasary.

Sharada aıtylǵandaı atalmysh baǵdarlama sheńberinde aqmolalyqtar tarapynan kóp ıgi isterge qol jetkizildi. Jalpy, oblys boıynsha sońǵy eki jyldyń ishinde bilim, densaýlyq, mədenıet jəne turǵyn úı-kommýnaldyq salada quny 5,3 mıllıard teńgeden astam əleýmettik mańyzdaǵy 96 joba júzege asyryldy.  Bir ǵana Tselınograd aýdanynda quny 500 mıllıon teńgeden astam 9 joba iske qosyldy.

Saltanatty sharada «Jomart júrek» syılyǵynyń laýreattary túrli atalymdar boıynsha marapattaldy.

Onyń ishinde «Jyl metsenaty» atalymy boıynsha Sandyqtaý aýdanynyń «Svobodnyı» seriktestiginiń dırektory Aleksandr Zakýsılov, Esil aýdany «Zarechnyı» seriktestiginiń dırektory Ýálıhan Áripov marapattalsa, «Týǵan ólke» atalymy boıynsha Qorǵaljyn aýdanynan «Túsipbekov» jeke kásipkerliginiń basshysy Quralaı Túsipbekova, «Grýppa kompanıı...» seriktestigi dırektorlar keńesiniń jetekshisi Ardaq Baltabekov, Tselınograd aýdany «Kókshe Jemchýg» seriktestiginen Qanat Jakenov, Tselınograd aýdanynan Baýyrjan Isabaev pen «Sandyqtaý» seriktestiginiń dırektory Jamýl Mýshanov úzdik tanyldy.

Sonymen qatar, ózge de jeńimpaz metsenattar túrli atalymdar boıynsha syılyqtarǵa ıe boldy.

«Jyldyń úzdik uıymy» atalymyna «Bolashaq» múgedekter qoǵamdyq uıymynyń jetekshisi Amangeldi Qapanov laıyq dep tanyldy.

Tselınograd, Sandyqtaý aýdanynyń ákimdikteri «Týǵan jer» baǵdarlamasy boıynsha úzdikter qatarynan kórindi.

Shara barysynda Qazaqstan halqy Aqmola Assambleıasy hatshylyǵynyń meńgerýshisi Rınat Gallıamov ta jeńimpazdardy baǵaly syılyqtarmen  marapattady.