Qasym-Jomart Toqaev 12-13 qyrkúıek kúnderi BRIKS XVIII sammıtine qatysý úshin Úndistanǵa barady
ASTANA. KAZINFORM - 12-13 qyrkúıek kúnderi Qasym-Jomart Toqaev Premer-mınıstr Narendra Modıdiń shaqyrýymen BRIKS XVIII sammıtine qatysý úshin Úndistanǵa jumys saparymen barady, dep habarlaıdy Aqordanyń baspasóz qyzmeti.
Prezıdent Nıý-Delıde «Ornyqtylyqty, ınnovatsııany, yntymaqtastyq pen turaqtylyqty nyǵaıtý» taqyrybyna arnalǵan «aýtrıch»/«BRIKS+» formatyndaǵy plenarlyq otyrysta sóz sóıleıdi.
Sapar aıasynda Úndistan Premer-mınıstri Narendra Modımen kelissóz júrgizý, sondaı-aq birqatar memleket jáne úkimet basshylarymen kezdesý josparlanǵan.
14-16 qyrkúıekte Memleket basshysy Qasym-Jomart Toqaev Prezıdent Lı Chje Meńniń shaqyrýymen Koreıa Respýblıkasyna memlekettik saparmen barady.
15 qyrkúıekte Seýlde joǵary deńgeıde kelissózder júrgizilip, qazaq-koreı keńeıtilgen strategııalyq seriktestigin nyǵaıtý perspektıvasy talqylanady. Budan bólek, Prezıdent Koreıanyń iri kompanııalary jetekshilerimen kezdesedi.
16 qyrkúıekte Memleket basshysy «Ortalyq Azııa – Koreıa Respýblıkasy» birinshi sammıtine qatysady.
Aıta keteıik, osyǵan deıin Qazaqstan men Úndistan BRIKS aıasyndaǵy yntymaqtastyqty keńeıtýdi talqylaǵan bolatyn.
