Jomart shahtasyndaǵy apat: Oqıǵa ornyna jedel járdem brıgadalary jóneltildi

JEZQAZǴAN. KAZINFORM – Ulytaý oblysynyń densaýlyq saqtaý basqarmasynyń málimetine saı, Jomart shahtasyna jedel medıtsınalyq kómektiń úsh brıgadasy jóneltildi.

Ázirge zardap shekkender men úıindi artynda qalǵan shahta qyzmetkerleri týraly esh habar joq.

«3 jedel járdem kóligi jóneltildi: 1 - oblystyq kópsalaly aýrýhanadan, 2 - Jezqazǵan medıtsınalyq ortalyǵynan», - dep habarlady Ulytaý oblysynyń densaýlyq saqtaý basqarmasy.

Esterińizge sala keteıik, búgin saǵat 16:50-de Ulytaý oblysy Jańaarqa aýdanynda ornalasqan «Qazaqmys korporatsııasy» JShS-nyń «Jomart» kenishinde apat bolyp, jeti adam tótenshe jaǵdaıda qaldy.

- Apat ornyna Ulytaý jáne Qaraǵandy oblystary TJD kúshteri men quraldary, onyń ishinde kınologııalyq eseptoptar, Qazaqstan TJM Apattar medıtsınasy ortalyǵynyń medıtsına qyzmetkerleri men psıhologtary derek jiberildi, - dep jazdy TJM baspasóz qyzmetinen.