Jomart Ertaevty qamaýda ustaý merzimi uzartyldy
Mamandandyrylǵan aýdanaralyq tergeý sotynyń qaýlysymen Jomart Ertaev 15 jeltoqsanǵa deıin qamaýda otyratyn boldy.
Eske salaıyq, J. Ertaev 2018 jyldyń mamyrynda Máskeýde Qazaqstan Іshki ister mınıstrliginiń Interpol Ulttyq ortalyq bıýrosynyń suraýy boıynsha ustaldy. QR ІІM aqparatyna sáıkes, ol iri kólemde alaıaqtyq jasaǵany úshin halyqaralyq izdeýde bolǵan.
Ol «Bank RBK» AQ dırektorlar keńesi tóraǵasynyń keńesshisi bola otyryp, jalǵan JShS-nyń 80 mln AQSh dollary somasynda bankten qaryz alýyna yqpal etken. Sondaı-aq, qaryzdy qaıtarmaý maqsatyndaǵy áreketterdi júzege asyrdy degen kúdikpen ustalǵan.
Sondaı-aq, onymen birge 54 adam, sonyń ishinde banktiń 41 top-menedjeri men qatardaǵy qyzmetkerleri - buryn ekstradıtsııalanǵan B.Ibragım, I.Majınov, D.Týǵanbaı, D.Edigenev, A.Mamyrbekov, T.Sháripov, taǵy basqalar kúdikke ilingen.
Avtory: Danııar Dáýitálıev