Jomart Ertaevty qamaý merzimi uzartyldy
ALMATY. QazAqparat - Almatyda sot eks-bankır Jomart Ertaevty qamaý merzimin uzartty, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Mamandandyrylǵan aýdanaralyq tergeý sotynyń qaýlysymen Jomart Ertaev 15 tamyzǵa deıin qamaýda otyratyn boldy.
Munyń aldynda habarlaǵanymyzdaı, QR Bas prokýratýrasynyń tergeý operatıvtik tobynyń basshysy sotqa deıingi tergeý jumystarynyń aıaqtalmaýyna baılanysty sot merzimin keıinge shegerý týraly sotqa ótinish túsirgen bolatyn. Sot tergeý toby basshysynyń ótinishin qanaǵattandyrdy.
J.Ertaev Interpoldyń Ulttyq ortalyq bıýrosynyń tapsyrysymen 15 naýryzda Máskeýde ustalǵan bolatyn. Jomart Ertaevpen birge banktiń 41 top-menedjeri men jumysshysy kúdikke ilingen edi.
