Jomart Ertaev kinásin moıyndady
ALMATY. QazAqparat – Jomart Ertaevtyń isi boıynsha basty sot otyrysy Almaty qalasynyń Almaly aýdandyq sotynda ótip jatyr, dep habarlaıdy QazAqparat tilshisi.
Sot protsesi Almaty qalasynyń qylmystyq ister jónindegi mamandandyrylǵan aýdanaralyq sotynyń ǵımaratynda ótip jatyr. Sot zalynda 37 sottalýshy otyr. Qylmystyq is 700 tomnan, al aıyptaý aktisi 3600 paraqtan turady. Sonymen qatar sýdıa sottalýshylarǵa olardyń quqyqtaryn da oqyp berdi.
«Kinámdi tolyq moıyndaımyn», - dedi Ertaev memlekettik aıyptaýshynyń sózinen keıin.
Buǵan deıin Jomart Ertaevtyńń isine qatysty sottyń bastalǵanyn habarlaǵan bolatynbyz.
Esterińizge sala keteıik, Jomart Ertaev ótken jyldyń mamyrynda Máskeýde QR ІІM Interpoldyń Ulttyq ortalyq bıýrosynyń ótinishi boıynsha ustalǵan bolatyn. QR ІІM málimetinshe, Ertaev asa iri kólemdegi alaıaqtyǵy úshin halyqaralyq izdeýde bolǵan.
