Jomart Ertaev qamaýda otyr
ALMATY. KAZINFORM – Bank RBK-nyń burynǵy basshysy Jomart Ertaev ustalyp, qamaýǵa alyndy.
Іshki ister mınıstrligi Qylmystyq-atqarý júıesi komıteti baspasóz qyzmetiniń habarlaýynsha, ol sot sheshiminen keıin ustalyp, qazir qamaýda otyr.
Buǵan deıin Májilis depýtaty Abzal Quspan 11 jylǵa bas bostandyǵynan aıyrylǵan Jomart Ertaevtyń raqymshylyqqa ilinýi týraly sheshim qaıta qaralǵanyn habarlady.
Keıinirek Almaty oblysynyń soty Jomart Ertaevtyń qamaýǵa alynatynyn rastady.
Eske salaıyq, 2020 jyly RBK Bank-ten 144 mıllıard teńge jymqyrǵany úshin sottalǵan belgili bankır Jomart Ertaev jalpy rejımdegi kolonııadan bosatyldy.
Jomart Ertaev 2018 jylǵy mamyrda Máskeýde Qazaqstan ІІM Interpol ulttyq ortalyq bıýrosynyń suraýy boıynsha ustalǵan. Ol asa iri kólemdegi alaıaqtyq jasady degen kúdikpen halyqaralyq izdeýde bolǵan. 2019 jylǵy naýryzda ol Reseı Federatsııasynan Qazaqstanǵa ekstradıtsııalandy.
Tergeý dereginshe, Ertaev 2011-2017 jyldary qyzmettik ókiletin paıdalanyp, aldyn ala sóz baılasqan tulǵalarmen birge «Bank RBK» AQ-nan 144 mlrd teńge jymqyrdy degen kúdikke ilindi.
Bul iske barlyǵy 54 adam tartylyp, olardyń qatarynda 41 top-menedjer men bank qyzmetkerleri bolǵan.
2020 jylǵy qarashada Almaty soty Jomart Ertaevty 11 jylǵa bas bostandyǵynan aıyrdy.