Jomart Ertaev bostandyqqa shyqty
ALMATY. KAZINFORM — Bank RBK-nyń burynǵy basshysy Jomart Ertaev túrmeden bosatyldy.
Іshki ister mınıstrliginiń Qylmystyq-atqarý júıesi komıteti bankırdiń bostandyqqa shyqqanyn Kazinform tilshisine resmı túrde rastady.
— Ol sot taǵaıyndaǵan jazasyn tolyq ótegendikten bosatyldy, — dep habarlady komıtet.
Bosatylǵanyna qaramastan, Jomart Ertaev 6 jyl quqyq qorǵaý organdarynyń turaqty baqylaýynda bolady.
— Ákimshilik baqylaý quqyq qorǵaý organdarynyń túrmeden bosatylǵannan keıingi adamnyń minez-qulqyn zańdy túrde qadaǵalaý úshin júrgiziledi, — dep túsindirdi Qylmystyq-atqarý júıesi komıtetiniń baspasóz qyzmeti.
Eske salaıyq, Jomart Ertaev 2018 jylǵy mamyrda Máskeýde Qazaqstan ІІM Interpol ulttyq ortalyq bıýrosynyń suraýy boıynsha ustalǵan. Ol asa iri kólemdegi alaıaqtyq jasady degen kúdikpen halyqaralyq izdeýde bolǵan.
2019 jylǵy naýryzda ol Reseı Federatsııasynan Qazaqstanǵa ekstradıtsııalandy.
Tergeý dereginshe, Ertaev 2011-2017 jyldary qyzmettik ókiletin paıdalanyp, aldyn ala sóz baılasqan tulǵalarmen birge «Bank RBK» AQ-nan 144 mlrd teńge jymqyrdy degen kúdikke ilindi. Bul iske barlyǵy 54 adam tartylyp, olardyń qatarynda 41 top-menedjer men bank qyzmetkerleri bolǵan.
2020 jylǵy qarashada Almaty soty Jomart Ertaevty 11 jylǵa bas bostandyǵynan aıyrdy.
