Jomart Ábıesov Strategııalyq josparlaý jáne reformalar agenttigi apparatynyń basshysy boldy
QR Strategııalyq josparlaý jáne reformalar agenttigi tóraǵasynyń buıryǵymen Jomart Ábıesov Agenttiktiń apparat basshysy bolyp taǵaıyndaldy, dep habarlaıdy Kazinform vedomstvonyń baspasóz qyzmetine silteme jasap.
Jomart Amangeldiuly Ábıesov 1975 jyly Aqtóbe oblysynda dúnıege kelgen. Qazaq memlekettik basqarý akademııasyn, Qazaq memlekettik zań akademııasyn bitirgen. Sıngapýr ulttyq ýnıversıteti janyndaǵy Lı Kýan ıÝ atyndaǵy memlekettik saıasat mektebiniń magıstri.
Eńbek jolyn 2000 jyly QR Energetıka, ındýstrııa jáne saýda mınıstrliginiń «Rezerv» RMK bas mamany bolyp bastaǵan. Ár jyldary QR Kólik jáne kommýnıkatsııa mınıstrliginde, QR Úkimeti jáne QR Ulttyq Banki janyndaǵy «Ulttyq taldaý ortalyǵynda», QR Ekonomıkalyq damý jáne saýda mınıstrliginde jumys istedi.
2002-2008 jyldary QR Prezıdent Ákimshiliginiń Júıelik zertteýler ortalyǵynyń sektor meńgerýshisi, bas ınspektory, basshy orynbasary, Memlekettik baqylaý jáne uıymdastyrý jumysy bóliminiń bas ınspektory, Memlekettik baqylaý jáne uıymdastyrý-kadr jumysy bólimi meńgerýshisiniń orynbasary, Kadr saıasaty bóliminiń meńgerýshisi boldy.
2008-2011 jyldary – «Samuryq-Qazyna» UÁQ» AQ basqarýshy dırektory, 2011-2014 jyldary – «Qazaqstandyq memlekettik-jeke menshik áriptestik ortalyǵy» AQ basqarma tóraǵasy, 2014-2015 jyldary – «QR Ulttyq Bankiniń Banknot fabrıkasy» RMK dırektorynyń birinshi orynbasary.
2016-2019 jyldary «Astana» HQO basqarýshysynyń keńesshisi, «Qazposhta» AQ transformatsııa jónindegi basqarýshy dırektory, «Kaspıı ÁKK» AQ Basqarma tóraǵasy, Strategııalyq bastamalar ortalyǵynyń basqarýshy seriktesi boldy.
2019-2023 jyldary QR Prezıdenti Ákimshiliginiń Memlekettik basqarý bólimi meńgerýshisiniń orynbasary, memlekettik ınspektory, Memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary, Memlekettik basqarý bólimi meńgerýshisiniń orynbasary laýazymdaryn atqardy.
Ekonomıka ǵylymdarynyń kandıdaty, «Qurmet» ordenimen marapattalǵan.
