Jolymbet kenishinde shahtaǵa túsip ketken adam mert boldy
KÓKShETAÝ. Qarashanyń 16-sy. QazAqparat /Janmurat Janaıdarov/ - Aqmola oblysy Shortandy aýdany aýmaǵyndaǵy Jolymbet kenishinde bir adam shahtaǵa túsip ketip, mert boldy,
dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Ótken senbi kúni tańǵy 6 saǵat 25 mınýtta «Qazaqaltyn» memlekettik taýken kombınaty» aktsıonerlik qoǵamyna qarasty Jolymbet kenishiniń «Slepaıa №-4» shahtasynda kezekti aýysym oralyp kele jatqanda qaıǵyly oqıǵa tirkelgen. Aktsıonerlik qoǵamda akkýmýlıatordy retteýshi bolyp jumys isteıtin 1958-shi jylǵy Jolymbet kentiniń turǵyny shahtaǵa túsip ketken. Máıit shahta tereńdiginen arnaıy áskerı qutqarýshylar kómegimen jer betine shyǵarylǵan. Qazir tergeý amaldary jalǵastyrylýda.
