Joltaı Álmashuly: Koronavırýs indetiniń emi - oqshaýlaný
NUR-SULTAN. QazAqparat - Jazýshy Joltaı Álmashuly Memleket basshysy Qasym-Jomart Toqaevtyń málimdemesine oraı pikir bildirdi, dep habarlaıdy QazAqparat tilshisi.
«Qazaq eliniń Prezıdenti Qasym-Jomart Toqaevtyń keshegi jasaǵan málimdemesi bizdiń halqymyzdyń, jalpy álem jurtshylyǵynyń basyna qıyndyq týdyryp otyrǵan koronavırýs indetimen kúreske qarsy sharalar tóńireginde boldy. Elimizde qabyldanǵan tótenshe jaǵdaıǵa baılanysty tıisti sharalardy qatań ustaný kerektigin de basa aıtty. Onyń sebebi de bar. Koronavırýs indetiniń emi - oqshaýlaný. Qytaı Ýhan qalasynda bastalǵan dertti az ýaqyttyń ishinde joıa bildi. ıAǵnı, halqy tártipke baǵyndy, úıden shyqpaý nusqaýyn qatań ustandy. Sonyń arqasynda indettiń taralýy toqtady. Endi halqymyzdyń da osyndaı tártipke úırenetin kezi jetti», - dedi jazýshy.
Osy rette Joltaı Álmashuly koronavırýs indetimen kúresip jatqan dárigerlermizdiń eren eńbegin joǵary baǵalaýymyz kerektigin basa aıtty.
«Memleket basshysynyń dárigerlerge jasap otyrǵan materıaldyq kómegin óte durys ári tıimdi jáne der ýaqytynda qabyldanǵan shara dep qabyldaýymyz kerek. Dárigerlerdiń eńbegine alǵysymyz sheksiz. Halqymyzǵa sabyr, elimizge tynyshtyq tileımin. Koronavırýs indetin tezirek jeńip shyǵýdy bizge násip etsin», - dedi qarymdy qalamger.
Aıta keteıik, keshe Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.
