Jolsyzben júretin shymkenttik avtokóliktiń Shymbulaqqa kóterilgeni almatylyqtardyń yzasyn týdyrdy
ALMATY. QazAqparat - Shymkenttik júrgizýshiniń jolsyzben júre beretin avtokóligimen Shymbulaqqa kóterilgeni almatylyqtardyń yzasyn týdyrdy. Bul fotosýretti óziniń Feısbýk áleýmettik jelisindegi jeke paraqshasyna belgili bıznesmen Beıbit Álibekov jarııalady.
«Almatyda jarqyn kross ótip jatyr. Al Shymkentten kelgen qonaqtar ózderiniń Land Krýzer kólikterimen qatysýda. Taǵy da Shymbulaqqa ótip ketýlerine áıelder men balalardyń nege kedergi jasap jatqandaryna túsinbeı tań qalady. Polıtsııanyń bul avtokólikti qalaı ótkizip jibergeni jaıynda Almaty ákimdigi men Shymbulaq basshylyǵy túsinikteme berýi tıis», - deıdi Beıbit Álibekov.
Esterińizge sala ketelik, Almatyda 2016 jyldyń aqpan aıynan bastap, «Medeý» bıik taýly sport kesheni men «Shymbulaq» shıpajaıyna barar jolda jol-patrýldik mobıldik beket ornatyldy. Endi Shymbulaqqa jaıaý, aspaly jolmen nemese arnaıy taksımen jetýge bolady. Tek kommýnaldyq qyzmetterdiń arnaıy avtokólikterine ǵana júrýge ruqsat etilgen.
https://www.facebook.com/photo.php?fbid=1028953757140792&set=a.301926293176879.62310.100000785314601&type=3&theater
