Jolserikter Salvador azamatshasynyń joǵaltyp alǵan ámııanyn qaıtaryp berdi
Oqıǵa shilde aıynda bolǵan. Boıjetken «Astana-Qyzylorda» baǵytyndaǵy poıyzben Astanadan Shymkentke jol júrip kele jatqan. Shymkentke kelgennen keıin kelesi kúni jeke zatynyń joǵalǵanyn ańǵaryp, Nazarbaev ýnıversıtetiniń qyzmetkerleri arqyly «Jolaýshylar tasymaly» AQ-na habarlasqan. Salvador azamatshasyna tıesili bolǵan ámııandy jolserik taýyp alyp, barlyq qajet aktilerdi daıyndap, elordaǵa jóneltken. Astanaǵa jetken múlik ıesine qaıtaryldy.
Andrea Ernandes Gonkong ǵylym jáne tehnologııa ýnıversıtetiniń stýdenti bolyp shyqty. Qazaqstanǵa «Asia Deep Dive» stýdent almasý baǵdarlamasy boıynsha kelgen. Atalmysh baǵdarlama Nazarbaev Ýnıversıteti múshelik etetin Azııa ýnıversıtetteri alıansy qyzmetiniń aıasynda ótkizilgen. Qazaqstanǵa eki aptaǵa Azııa elderiniń 13 ýnıversıtetinen 24 stýdent kelgen.
Nazarbaev Ýnıversıtetiniń qyzmetkerleri baǵdarlama 16 shilde kúni aıaqtalǵanyn málim etti. Sheteldik azamatsha kelesi kúni eline qaıta oralǵan.
Eske salaıyq, ótken jyly «Astana-Aqtóbe» poıyzynyń jolserigi Erjan Árdenov jolaýshyǵa joǵaltyp alǵan 2 000 000 teńgesin qaıtarǵan edi.
Jyl basynan beri óńirlik fılıaldarda jolserikterdiń joǵalǵan qundy zattar men qujattardy ıesine qaıtarýy boıynsha 12 derek tirkeldi.