Jolpoldyqtar halyqpen ınteraktıvti baılanys ornatpaq
ASTANA. 15 qazan. QazAqparat - ІІM Jol polıtsııasy komıtetiniń kishi portalynyń «Suraq-jaýap» bóliminde «Mektep jol ınspektory» atty jańa aıdar ashyldy, dep habarlaıdy Qazaqstan Respýblıkasy ІІM Jol polıtsııasy komıteti.
Habarlamada keltirilgen málimetter boıynsha, ol balalar men jasóspirimderdiń qatysýymen bolatyn jol-kólik oqıǵasynyń aldyn alý maqsatynda qurylǵan.
Jańa oqý jylynyń basynda jol polıtsııasy bólinisteri jol jáne kommýnaldyq qyzmetterdiń ókilderimen birlesip, jalpy bilim beretin mekemelerge jaqyn ornalasqan aýmaqtaǵy jaıaý júrginshiler ótpeleriniń qajetti jol belgilerimen, jol tańbalarymen, jaıaýlar jolynyń qorshaýlarymen jáne jol qozǵalysyn retteıtin basqa da tehnıkalyq quraldarmen jaraqtalýy mánine 4 885 tekserý júrgizdi. Tekserister nátıjeleri boıynsha ýákiletti uıymdarǵa anyqtalǵan kemshilikterdi joıý jóninde 785 uıǵarym berildi.
Balalarǵa bilim berý mekemeleriniń janyndaǵy 1,75 myńnan astam jol belgileri aýystyryldy nemese jańadan ornatyldy, 363 jaıaý júrginshiler ótpeleri jaraqtaldy, 22,5 myń metr trotýarlar salyndy, 14, 8 myń metr jasandy jaryqtandyrý quryldy.
Jol polıtsııasy komıteti osy máselelerdi qozǵaı kele halyqpen tikeleı baılanys ornatqysy keletinin aıtady. «Sonymen qatar, Jol polıtsııasy komıteti pedagogtarǵa, oqýshylarǵa, olardyń ata-analaryna, jalpy balalardyń jol-kólik jaraqattanýy máselesi alańdatatyn basqa da azamattarǵa habarlaıdy: eger balalar bilim berý uıymdarynyń (mektepter, bala baqshalary, qosymsha bilim berý mekemeleri) mańyndaǵy jol qozǵalysyn uıymdastyrý boıynsha Sizdiń shaǵymyńyz, eskertýleriniń, usynystaryńyz bar bolsa; Jol qozǵalysy erejeleri boıynsha sabaqtardy oqytý sapasyna nemese sabaqtar júrgizilmeýine, balalar jol qaýipsizdigi jónindegi basqa «mekteptik» másele boıynsha shaǵymyńyz bolsa óz ótinishterińizdi ІІM Jol polııtsııasy komıtetiniń kishi podportalynda «Suraq-jaýap» bóliminde «Mektep jol ınspektory» atty arnaıy aıdarǵa (kishi portal ІІM mvd.gov.kz portalynda) jibere alasyzdar», - delingen habarlamada.
«Sizderdiń ótinishterińiz mindetti túrde qaralatyn bolady jáne tıisti sharalar qabyldanady»,-deıdi jolpoldyqtar.
