Jolǵa jaqyn ornalasqan 4 myń bilim mekemesinen 2 myń kemshilik anyqtaldy - QR ІІM
NUR-SULTAN. QazAqparat – El aýmaǵyndaǵy jol jaqyn ornalasqan 4 myń bilim berý mekemesinen 2 myń kemshilik tabylǵan, dep habarlaıdy QazAqparat tilshisi.
ІІM Ákimshilik polıtsııa komıteti tóraǵasynyń orynbasary Jandos Muratálıev «Balalardyń joldaǵy qaýipsizdigi» taqyrybyndaǵy brıfıngide osyndaı derekter keltirdi.
«Jolǵa jaqyn ornalasqan bilim berý mekemeleriniń aýmaǵyna 4 myńnan astam tekserý jumystary júrgizildi. Tekserý nátıjeleri boıynsha anyqtalǵan kemshilikterdi joıý úshin ýákiletti mekemelerge 2 myńǵa jýyq nusqama berildi. Qazirgi ýaqytta 3 612 mekteptiń janynda jaıaý júrginshi ótkelderi bar, 2 473 mekteptiń janynda jasandy kedergiler ornalastyrǵan, al 2 300-ge jýyq mektep janynda jaıaý júrginshilerge arnalǵan labırınt tektes qorshaýlar ornatylǵan», - deıdi komıtet basshysynyń orynbasary.
Sondaı-aq, Jandos Muratálıev bilim berý mekemeleriniń janynda 1 160 jol belgisi jańartylǵanyn atady.
«Bilim berý mekemeleriniń janynda 1 160 jol belgisi aýystyrylyp, qaıta ornatyldy. Myńǵa jýyq jaıaý júrginshiler ótkeli jabdyqtalyp, 8 myń metrden astam jaıaý júrginshiler joly salyndy, 16 myń metr jol jasandy jolmen jaryqtandyryldy», - dedi ІІM ókili
Vedomstvo oqý jylynyń taıap qalǵanyn eskerip, 23 tamyz ben 10 qyrkúıek aralyǵynda «Nazar aýdaryńyz - balalar» aktsııasyn qaıta ótkizýdi josparlap otyr. Bul shara 2 kezeńde ótedi: daıyndyq kezeńi (23-31 tamyz) jáne negizgi kezeń (1-10 qyrkúıek aralyǵynda).
Daıyndyq kezeńi aıasynda:
- bilim berý mekemeleriniń aýmaǵyndaǵy jol jelisiniń jumys kúıin jáne jol júrisin uıymdastyrýdyń tehnıkalyq quraldaryn zertteý;
- ata-analar men muǵalimderge jol qaýipsizdigi boıynsha profılaktıkalyq sabaqtar, dárister ótkizý josparlanýda;
Bul jumys aǵymdaǵy jyldyń 17 maýsym men 16 shilde aralyǵynda ótken «Qaýipsiz jol» is-sharasy aıasynda jalǵasyn tapty.
Jańa oqý jylynyń qarsańynda 23 tamyz jáne 10 qyrkúıek aralyǵynda «Nazar aýdaryńyz - balalar!» aktsııasyn qaıta ótkizý josparlanǵan.
