Jolǵa shyǵyp habarsyz ketken mańǵystaýlyq úsh adam japan daladan tabyldy

AQTAÝ. KAZINFORM - Іzdestirý-qutqarý jumystary kezinde úsh kúnnen beri habarsyz ketken Mańǵystaý oblysynyń úsh turǵyny aman tabyldy.

Búgin tańerteń Mańǵystaý oblysyna qarasty Beıneý aýdanynyń Shaǵyrly-Shómishti aýmaǵynda TJD, PD jáne jergilikti atqarýshy organdardyń izdestirý-qutqarý toby 9 aqpanda Aqtóbe oblysynyń Shalqar aýdany arqyly Qyzylorda oblysyna Beıneý kentinen eki avtokólikpen shyqqan 3 adamdy izdestirgenin málimdedi. Joǵalǵan adamdardyń týystarynyń aıtýynsha, jolǵa shyqqan azamattar 9 aqpannan bastap baılanysqa shyqpaǵan.

«Úsh kún buryn Aqtaýdan jıenim eki dosymen Qyzylordaǵa jolǵa shyqqan bolatyn. Olar eki «Toıota Prado» kóligimen Beıneý aýdanynan Aqtóbe oblysynyń Bozoı eldimekeni arqyly Qyzyordaǵa jetýdi kózdedi. Alaıda Beıneýden 120 shaqyrym uzaǵan soń kólik batpaqqa batyp, baılanystan ajyrap qaldy. Araǵa birneshe kún salyp 20-30 shaqyrym jerdegi Shómishti-Shaǵyrly ken ornyn taýyp baryp, kómek suraǵan. Qazir olar tamaqtanyp, batpaqqa batqan kóligin tartyp shyǵarýǵa arnaıy tehnıka attandy», - dedi joǵalǵan azamattyń biriniń ıAhııa esimdi týysy.

Al týystary habar bergen soń Mańǵystaý oblysynyń izdestirý-qutqarý toby birden iske kiriskenin málimdedi.

«12 aqpanda 13:20-da habarsyz ketken eki adam baılanysqa shyqty. Olardyń aıtýynsha, kólikteri balshyqqa batyp, jaqyn mańdaǵy beketke óz betinshe jetken. Olarǵa medıtsınalyq kómek qajet bolǵan joq», - dedi oblystyq TJD-niń baspasóz qyzmeti.