Jolǵa qonǵan tikushaqqa qatysty Qorǵanys mınıstrligi túsinikteme berdi
Buǵan deıin habarlanǵandaı , Ońtústik Qazaqstan oblysynyń aýmaǵynda Shymkent-Samara tas jolynyń boıynda boran kezinde adasyp ketken tikushaq qonyp, olar júrgizýshilerden baǵyt suraǵan. Áleýmettik jelide jarııalanǵan rolıkte tikushaq elimizdiń qorǵanys salasyna tıisili ekendigi aıtylǵan bolatyn.
«QR QK Áskerı-áýe kúshteriniń Mı-8MT tikushaǵy jergilikti turǵyndardy baqylaý ádisimen vızýaldy baǵdarlaýdy qalyptastyrý máselesin pysyqtaı otyryp, áskerı oqý-jattyǵý tapsyrmasyn oryndady. Ekıpaj avtokólik jolyna qonyp, jaqyn jerde ornalasqan eldi mekenderdi naqtylady, qaıta ushyp, oqý-jattyǵý tapsyrmasyn aıaqtady», dep málim etti QR Qorǵanys mınıstrligi.
Qazirgi ýaqytta tikushaq áýeaılaq bazasynda tur.
«Armııa avıatsııasyndaǵy ushý quramynyń jaýyngerlik daıarlyq josparyna sáıkes túrli navıgatsııalar tásilderin pysyqtaý baǵyty jáne ushý daıarlyǵynyń kýrsyna sáıkes jerlerdi (ushýlardy), onyń ishinde aýa-raıynyń buzylýy kezinde baǵdarlaýdy júrgizý boıynsha ushýdy oryndaıdy», - delingen túsiniktemede.
