Antıkor jolǵa qatysty shaǵymdar týraly: Jurt muny jemqorlyqpen baılanystyrady
ASTANA. KAZINFORM - Sapasyz jolǵa qatysty 20 myńnan astam shaǵym túsken. Bul týraly Cybaılas jemqorlyqqa qarsy agenttik tóraǵasy Ashat Jumaǵalıdiń basshylyǵymen jol salasyndaǵy jemqorlyq táýekelderin joıý máseleleri boıynsha vedomstvoaralyq keńeste aıtyldy.
Іs-sharaǵa Kólik mınıstri Marat Qarabaev, joǵary aýdıtorlyq Palatanyń, strategııalyq josparlaý, básekelestikti qorǵaý jáne damytý agenttikteriniń, qarjy, ónerkásip jáne tsıfrlandyrý mınıstrlikteriniń, «Atameken» UKP, sondaı-aq jergilikti atqarýshy organdardyń ókilderi qatysty.
Keńeste Memleket basshysynyń tapsyrmasy boıynsha Agenttik Kólik mınıstrligimen birlesip ótkizgen jemqorlyq táýekelderine syrtqy taldaý nátıjeleri talqylandy. Máselen, sońǵy 5 jylda jol salasyna 6 trln teńgeden astam qarajat jumsaldy, biraq jol jelisiniń jaı-kúıi halyq tarapynan shaǵym týdyrýda.
2023-2024 jyldary memlekettik organdarǵa avtomobıl joldarynyń sapasyzdyǵyna qatysty 20 myńnan astam shaǵym tústi. Jurtshylyq muny jemqorlyqpen baılanystyrady.
Aǵymdaǵy jyldyń basynan beri ǵana Agenttik osy salada 24 qylmystyq isti tirkedi.
Syrtqy taldaý josparlaýdan bastap baqylaý men kútip ustaýǵa deıingi jol qurylysy men jóndeýdiń barlyq kezeńderinde júıeli jemqorlyq táýekelderiniń bar ekendigin kórsetti.
Bastapqy kezeńde problemalyq ýchaskeler durys anyqtalmaıdy, jaqynda salynǵan joldarǵa jóndeý jumystary júrgiziledi.
Jobalaý kezinde smeta shamadan tys jumys pen materıaldardyń esebinen jasandy túrde joǵarylatylady.
Kelisimsharttar kóbinese tájirıbesi men resýrstary joq merdigerlermen, bir kózden nemese karteldik kelisim sharttarymen jasalady. Qosalqy merdigerlik uıymdardy tartý eshkimniń baqylaýynda emes.
Ol óziniń jetkiliksizdigin jáne kóp satyly baqylaý júıesin kórsetti.
Jol aktıvteriniń ulttyq sapa ortalyǵynyń anyqtalǵan aqaýlar týraly qorytyndylaryn oryndaý mindetti emes, al tehnıkalyq qadaǵalaý óz fýnktsııalaryn resmı túrde oryndaıdy.
Salany damytý úshin Qazaqstandyq jol ǵylymı-zertteý ınstıtýtynyń áleýeti tolyq kólemde paıdalanylmaıdy. Qoldanbaly ǵylymı zertteýler men ınnovatsııalardy engizýdiń ornyna ınstıtýt normatıvtik qujattamany ázirleýmen aınalysady.
Jańa tehnologııalardy engizýdi baqylaýdyń bolmaýy, bilikti kadrlardyń jetispeýshiligi jáne kúrdeli normatıvtik-quqyqtyq baza da avtojoldardyń sapasyna áser etedi.
Tsıfrlandyrýdyń jetkiliksizdigi problemany ýshyqtyrady. Sońǵy 10 jylda aqparattyq júıelerdi damytýǵa 16 mlrd bıýdjet qarajaty jumsaldy. Degenmen, joldardyń tsıfrlyq kartasy áli ázirlenbegen.
Taldaý qorytyndysy boıynsha Agenttik osy saladaǵy jemqorlyq táýekelderin joıý boıynsha 90-nan astam usynys daıyndady.
Jobalar saraptamasynyń jáne tehnıkalyq qadaǵalaý ınstıtýtynyń fýnktsıonalyn qaıta qaraý, QazjolǴZI -. suranysqa ıe ınnovatsııalyq tehnologııalardy ázirleýge qaıta baǵdarlaý, iri jol jobalaryn ǵylymı-tehnıkalyq súıemeldeý, jol aktıvteri sapasynyń ulttyq ortalyǵynyń ókilettikterin kúsheıtý, sondaı-aq joldardyń tsıfrlyq kartasyn jasaý jóninde sharalar usynyldy.
Birqatar usynystar qazirdiń ózinde synalýda.
Mysaly, Atyraý oblysynda avtojoldardyń birin ortasha jóndeý kezinde «Tsıfrlyq teńge» jobasy arqyly bólingen aqshalaı qarajatty qadaǵalaý josparlanýda.
Jol salasyndaǵy sybaılas jemqorlyq táýekelderin joıý jáne usynymdardy oryndaý boıynsha jumys jalǵasýda.
