Joldy óz kúshimen jóndegen aýyl turǵyndary jaýapqa tartylmaıdy - Almaty oblysy
«Sarqan aýdanyna qarasty Muqan Tólebaev aýylynyń turǵyndary jergilikti ákimdikke habarlasyp, osy jol máselesin kótergen bolatyn. Al ákimdik óz kezeginde bul joldy jóndeý jumystary ázirge qujat júzinde qolǵa alynǵanyn málim etken. Muny estigen aýyl turǵyndary, onyń ishinde jergilikti kásipkerler, joldy ózderi jóndeýge nıet tanytqan. Osylaısha olar Elbasynyń «Rýhanı jańǵyrý: Bolashaqqa baǵdar» atty maqalasynyń Týǵan jer baǵdarlamasy sheńberinde aýyldy kórkeıtýge ózinshe úles qosqysy keletinin jetkizgen. Aýdan ákimdigi bul usynysty qabyldady. Aýyl turǵyndary osylaısha aýdan ákimdiginiń ruqsatymen joldy jóndep shyqty. Olar tsement qospasymen shurq tesik joldardy bitedi. Al áleýmettik jelide joldy jóndegen aýyl azamattary ákimshilik jaýapkershilikke tartylady, olarǵa aıyppul salynǵaly jatyr degen aqparatty biz resmı túrde joqqa shyǵaramyz. Bul jalǵan aqparat», - dedi Almaty oblysy ákiminiń baspasóz hatshysy Ǵalymurat Júkel.
Esterińizge sala keteıik, biz buǵan deıin Almaty oblysynyń Sarqan aýdanyna qarasty Muqan Tólebaev aýylynyń turǵyndary 35 shaqyrym joldy óz kúshterimen jóndep shyqqanyn habarlaǵan bolatynbyz.
