Joldy kútip ustaýǵa jaýapty 3 myńǵa jýyq laýazymdy tulǵa jaýapqa tartyldy

NUR-SULTAN. QazAqparat – Ótken jyly joldardy kútip ustaýǵa jaýapty 3 myńǵa jýyq laýazymdy tulǵa jaýapqa tartyldy. Bul týraly QR Іshki ister mınıstrliginiń ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.

«Jaıaý júrginshilerdiń qaýipsizdigi máselesi de ótkir tur. Elimizdegi árbir úshinshi jol-kólik oqıǵasy, árbir tórtinshi ólim-jitim men jaraqattantaný - solardyń úlesine tıesili. Buǵan qosa, jaıaý júrginshilerdiń tártibine qatysty da problema bar. 2020 jyly jol júrisi erejesin buzǵan 200 myńnan astam jaıaý júrginshi anyqtaldy», - dedi ol mınıstrliktiń baspasóz qyzmeti alańynda ótken brıfıng barysynda.

Onyń aıtýynsha, álemdik tájirıbe jaıaý júrginshilerdiń laıyqty qaýipsizdigin damyǵan júrginshiler ınfraqurylymy ǵana qamtamasyz ete alady.

Osyǵan oraı ótken jyly jol ınspektsııasynyń bólimsheleri shamamen 500 myń shaqyrymdy qamtıtyn avtomobıl joldarynda 25 myń zertteý júrgizdi.

«Zertteý el joldaryna qosymsha 23 myńnan astam jol belgisin ornatý qajettigin kórsetti. Jol júrisi qaýipsizdigine teris áser etetin 57,5 myń jol ınfraqurylymyndaǵy aqaý anyqtaldy. Qyzmetkerlerimiz olardy joıý úshin 25 myńnan astam uıǵarym shyǵaryp, joldy kútip ustaýǵa jaýapty shamamen 3 myń laýazymdy tulǵa jaýapqa tartyldy», - dedi Serik Túsipov.