Joldyń jabyq-ashyq ekenin qaıdan bilýge bolady
ASTANA. KAZINFORM – Qazaqstandaǵy qys mezgili avtokólik ıeleri úshin úlken synaq. Boran, qatty jel men kóktaıǵaq respýblıkalyq jáne halyqaralyq mańyzy bar joldarda qozǵalystyń ýaqytsha shektelýine ákelip jatady. Sapardy qaýipsiz etý úshin joldyń jaı-kúıin aldyn ala bilgen mańyzdy, dep habarlaıdy QazAvtoJol.
Joldaǵy jaǵdaıdy jedel tekserýdiń negizgi tásilderi:
-
«QazAvtoJol» resmı saıty – www.qaj.kz mekenjaıynda joldyń jabyq ýchaskeleri men jóndeý jumystary týraly táýlik boıy jańartylatyn aqparat bar.
-
Sapar mobıldi qosymshasy – App Store men Play Market-ten júktep alýǵa bolady. Qosymshada jol qozǵalysyna qatysty shekteýlermen qatar janarmaı beketteri, dámhanalar, qonaqúıler sııaqty servıstik nysandardyń da kartasy kórsetiledi.
-
Navıgatsııalyq servıster – Indrive, 2GIS jáne Yandex.Kartalar qosymshalary keptelister men joldyń jabyq ýchaskelerin naqty ýaqyt rejıminde kórsetedi. Bul baǵytty ýaqytyly túzetýge múmkindik beredi.
-
1403 baılanys ortalyǵy – ınternetke qol jetkizý múmkin bolmasa nemese qosymsha málimet qajet bolsa, qysqa 1403 nómirine qońyraý shalýǵa bolady. Qońyraý tegin jáne operatorlar táýlik boıy jaýap beredi.
Jolshylardyń keńesi: qysqy sapar aldynda birden birneshe derekkózdi teksergen jón. Bul ýaqytty únemdep, qaýip-qaterdi azaıtyp, qaýipsizdikti qamtamasyz etedi.
Aıta keteıik, Bas prokýratýra joldaǵy quqyq buzýshylyqtar sany 8,5 mıllıonǵa jetkenin habarlady.