Joldy qar men muzdan tazartýǵa qandaı hımııalyq qospalar qoldanylady
ASTANA. KAZINFORM – Kólik mınıstrligi Kazinform saýalyna joldaǵan jaýapta joldardy qardan tazartý úshin qandaı hımııalyq qospalar qoldanýǵa ruqsat etilgenin málim etti.
Vedomstvo jaýabyna súıensek, Qazaqstanda joldardy qar men kóktaıǵaqpen aryltý úshin qoldanylatyn ınertti materıaldar men hımııalyq reagentterdiń tizbesi «Jalpy qoldanystaǵy avtomobıl joldaryn qysqy kútip-ustaý» vedomstvolyq normatıvimen retteledi.
- Ekologııalyq kodeks boıynsha eldi mekenderde natrıı hlorıdin (NaCl) qoldanýǵa tyıym salynǵan. Sebebi, ol topyraqqa, ósimdikterge jáne sý kózderine keri áser etýi múmkin. Osyǵan baılanysty eldi mekender arqyly ótetin respýblıkalyq mańyzy bar avtojoldarda kelesi hımııalyq reagentter paıdalanylady, - delingen jaýapta.
Olar:
- Kaltsıı hlorıdi (CaCl₂•6H₂O) – tómen temperatýrada muzdy eritetin tıimdi zat.
- Magnıı hlorıdi (MgCl₂•6H₂O) – ekologııalyq qaýipsiz reagent, ylǵaldy ustap turý qabileti joǵary.
- Nesepnár (karbamıd) ((NH₂)₂CO) – hımııalyq reagent retinde qoldanylatyn organıkalyq zat.
- Ammonıı atsetaty (NH₄CH₃COO) – kóktaıǵaqqa qarsy tıimdi reagent.
- Magnıı atsetaty ((CH₃COO)₂Mg•4H₂O) – jylý bóletin qasıetke ıe, muzdy tez eritedi.
- Sýlfat natrııa (Na₂SO₄•10H₂O) – qosymsha kómekshi materıal retinde paıdalanylady.
- Eldi mekenderden tys aýmaqtaǵy avtojoldarda natrıı hlorıdin (NaCl, tehnıkalyq tuz) qoldanýǵa ruqsat etiledi. Biraq onyń ekologııalyq áserin azaıtý úshin kóbinese aralas qospalar túrinde qoldanylady. Óńirlerdiń klımattyq jaǵdaılary ártúrli bolǵandyqtan, keıbir aımaqtarda qosymsha sharalar qabyldanýy múmkin. Aıazdy aımaqtarda kúshti áser etetin hımııalyq reagentter jıirek qoldanylady. Qazaqstanda qardan tazartýǵa qoldanylatyn materıaldardyń arnaıy biryńǵaı reestri joq. Biraq bul protsess vedomstvolyq normatıvterge jáne ekologııalyq talaptarǵa sáıkes retteledi, - dep jazady mınıstrliktegiler.
Al respýblıkalyq mańyzy bar joldarda kóktaıǵaqqa qarsy qoldanylatyn hımııalyq reagentterdiń túri mynandaı:
Aıta ketsek, Ekologııa jáne tabıǵı resýrstar mınıstrligi qar qalyń túsip jatqan óńirler týraly aqparat bergen bolatyn.