Joldaýlardaǵy bekitilgen baǵdarlamalardyń negizdelýi men júzege asyrylý tarıhy jeke zertteýge laıyq joba - Sattar Májıtov
ALMATY. 3 aqpan. QazAqparat /Názıra Eleýhan/ -Qazaqstan Respýblıkasy Prezıdenti N.Á. Nazarbaevtyń Qazaqstan halqyna Joldaýy búkil halyqtyń qoldaýyna ıe.
Prezıdenttiń halyqqa Joldaýyndaǵy atalǵan ózekti máseleler tarıhshylardyń jańa zertteýlerine negiz bolady. Bul týraly búgin Almatydaǵy Qazaqstan Respýblıkasy Prezıdenti Nursultan Nazarbaevtyń «Bolashaqtyń irgesin birge qalaımyz!» atty Qazaqstan halqyna Joldaýyna arnalǵan «Táýelsiz Qazaqstan: jetistikteri men bolashaǵy» atty ǵylymı-teorııalyq konferentsııa barysynda aıtyldy.
Sh. Ýálıhanov atyndaǵy Tarıh jáne etnologııa ınstıtýtynyń dırektory, RJǴA akademıgi, tarıh ǵylymdarynyń doktory, professor Sattar Májıtovtyń pikirinshe, Joldaýlardaǵy bekitilgen baǵdarlamalardyń negizdelýi men júzege asyrylý tarıhy jeke zertteýge laıyq joba.
«Sondyqtan biz eldiń damý salalarynyń jetistikterin biriktiretin monografııalyq zertteýler serııasyn júzege asyrýǵa kirisýimiz kerek. Táýelsizdik kezindegi iri máselelerdi týyndatqan tarıhı jaǵdaılar jaıly qujattar men materıaldardy izdeý men anyqtaýdy jalǵastyra berýimiz qajet»,-dedi ol.
Konferentsııa jumysyna Sh.Sh. Ýálıhanov atyndaǵy Tarıh jáne etnologııa ınstıtýtynyń, «Ǵylym ordasynyń», Ortalyq ǵylymı kitaphananyń aldyńǵy qatarly qyzmetkerleri jáne «Nur Otan» HDP Almaty qalalyq fılıalynyń músheleri qatysty.
Konferentsııada Qazaqstan Respýblıkasy Prezıdenti N.Á. Nazarbaevtyń Qazaqstan halqyna Joldaýy taldanyp, talqylandy. Atap aıtqanda, 20 jyl ishindegi táýelsiz Qazaqstannyń jetistikteri men eldiń ishki jáne syrtqy saıasat salasyndaǵy nátıjeleri kórsetilip, jedeldetilgen ekonomıkalyq jańǵyrtýdyń údemeli ınnovatsııalyq ındýstrııalandyrý baǵdarlamasynyń jalǵasy ekendigine nazar aýdaryldy, ultaralyq kelisim men konfessıonaldyq jarasymdylyqty saqtaý jolyndaǵy naqty nátıjeler taldandy. Sonymen qatar QR BǴM -niń, Sh. Ýálıhanov atyndaǵy Tarıh jáne etnologııa ınstıtýtynyń Joldaý aıasyndaǵy atqarylǵan is-sharalary men onyń oryndalý barysy saralandy. Sondaı-aq, Elbasynyń Joldaýynda belgilengen áleýmettik saıasat pen adamı qundylyqtardyń jańa strategııasy atap kórsetildi. Sonymen birge, ǵylym damýynyń mindetterine saı, Joldaýda kórsetilgen ózekti máseleler boıynsha zertteýlerdiń jalǵastyrylý qajettiligi basta nazarǵa qoıyldy.
