Joldaýǵa sáıkes birqatar adamnyń aılyǵy artady - Jasulan Máýlenuly

NUR-SULTAN. QazAqparat – Joldaýda erekshe unaǵany – Prezıdenttiń elimizdegi eń tómengi jalaqy deńgeıin qaıta qarastyrý tapsyrmasy. Bul týraly «Qazaq» gazetiniń bas redaktory Jasulan Máýlenuly jelidegi paraqshasynda jazdy.

«Búgin Memleket basshysy Qasym-Jomart Toqaev Parlament palatalarynyń birlesken otyrysynda óziniń Qazaqstan halqyna úshinshi Joldaýyn jarııalady. Joldaýda ádettegideı biraz másele kóterildi. Degenmen, erekshe unaǵany – Prezıdenttiń elimizdegi eń tómengi jalaqy deńgeıin qaıta qarastyrý tapsyrmasy. Óıtkeni, eń tómengi jalaqy mólsheri 2018 jyldan beri kóterilmegen edi. Sonymen, Memleket basshysy 2022 jyldyń 1 qańtarynan bastap eń tómengi jalaqy mólsherin 42 500 teńgeden 60 000 teńgege deıin kóterýdi tapsyrdy. Bul, Prezıdent aıtqandaı, áleýmet memleket úshin óte mańyzdy qadam. Sonda eń tómengi jalaqy mólsheri nege mańyzdy? Eń bastysy, jumys berýshiler zań boıynsha odan tómen jalaqy belgileı almaıdy. ıAǵnı, birqatar adamdardyń aılyǵy artady degen sóz», - dedi ol.