Joldaýdyń kásipkerliktiń qatysýymen júzege asyrylatyndyǵy qýantady - Myrzahmetov
«Elbasy óz Joldaýynda Qazaqstan 25 jyldyń ishinde 2 jańǵyrýdan ótkendigin aıtty. Biri - jańa naryqtyq ekonomıka qurý. ıAǵnı josparly ekonomıkadan naryqtyq ekonomıkaǵa ótý boldy. Ekinshi jańǵyrýda strategııamyzdy aıshyqtap, jańa Astanamyzdy saldyq. Endi úshinshi jańǵyrý - jahandyq básekelestikke, ásirese tehnologııa salasynda álemde oryn alyp jatqan jańalyqtarǵa, tikeleı aıtsaq tehnologııalyq revolıýtsııaǵa baılanysty. Biz sol básekeden qalyspaýymyz kerek», - dedi ol.
Onyń atap ótýinshe, Elbasy óz Joldaýynda Qazaqstannyń aldyna órshil mindet qoıyp otyr.
«Joldaýda bes baǵyt bar. Jalpy osy 5 baǵyttyń qaı-qaısysyn alyp qarasaq ta, bizdi, «Atamekendi» qýantatyndyǵy olardyń barlyǵynda da kásipkerlikke oryn bar. ıAǵnı, kásipkerliktiń qatysýymen júzege asyrylady. Munan bólek keı baǵyttyń tikeleı kásipkerlikke arnalǵandyǵy baıqalady», - dedi Myrzahmetov.
Osy oraıda «Atameken» Ulttyq kásipkerler palatasy basqarmasynyń tóraǵasy Elbasy Joldaýynyń 5 baǵytyna jeke-jeke toqtalyp ótti.
«Birinshisi - tehnologııalyq jańǵyrý. Ózderińiz de sońǵy 10 jylda, kózdi ashyp-jumǵansha tehnologııanyń qandaı satylarǵa kóship jatqandyǵyn kórip otyrsyzdar. Qazir aýyldyq jerde de ınternet, uıaly telefon bar. Smartfon arqyly kez kelgen adam aqparat alyp, jetkize alady. Aqparat alý jyldamdyǵy kúrt ósýde. Qoǵamdaǵy ózgeristerdiń ózi de sandyq tehnologııaǵa baılanysty. Biz arnaıy saraptama jasap otyramyz. Osydan 10 jyl buryn álemniń baı 5 kompanııasynyń 4-eýi shıkizat sektorynda bolsa tek bireýi ǵana sandyq tehnologııa salasynda edi. Qazir alyp kompanııalardyń barlyǵy da jańa tehnologııalarǵa qatysty», - dedi ol.
Joldaýdaǵy kelesi basym baǵyty - kásipkerlikti jan-jaqty qoldaý.
«Egemen el bolǵaly beri osy kúnge deıin kásipkerlikti aıaqqa turǵyzý, naryqtyq ekonomıkany jolǵa qoıý bul Elbasynyń eń úlken strategııasynyń biri. Oǵan biz de kýámiz. Sońǵy 3-4 jylda Atameken Úkimetpen birlesip, atsalysyp ta keledi», - dedi basqarma tóraǵasy.
Ol makroekonomıkalyq turaqtylyq, adam kapıtaly syndy baǵyttar da el ekonomıkasyna ósimine zor úles qosatyndyǵyn aıtty.
«Jańa tehnologııany, jańa salalardy damý úshin adam kapıtaly kerek. Bul jastarǵa, olardyń bilimine baılanysty. Aýyldyq mektepten bastap bizdiń joǵary oqý oryndaryn deıin osy jańa talapqa beıimdelýi tıis. Menińshe, munyń barlyǵy úlken maqsat. Ony biz júzege asyrýymyz qajet. Elbasy 5-shi ataǵan baǵyt ol ınstıtýtsıonaldyq reforma. Onda qazirgi álemde oryn alyp otyrǵan terrorızm, ekstremızm syndy qıyndyqtar, jemqorlyq máseleleri qamtylǵan. Olardyń barlyǵy boıynsha úlken mindetter qoıylyp, naqty tapsyrmalar Úkimetke berildi», - dep túıindedi oıyn Myrzahmetov.