Joldaýdy júzege asyrýda JOO-lar da belsendilik tanytýy tıis - ǵalym pikiri
ORAL. QazAqparat - Elbasynyń bıylǵy Joldaýyn júzege asyrýda JOO-lar da belsendilik tanytýy tıis. Bul týraly Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń aǵa oqytýshysy, tarıh ǵylymdarynyń kandıdaty Esqaırat Haıdarov óz pikirin bylaısha bildirdi, dep habarlaıdy «QazAqparat» tilshisi.
Onyń aıtýynsha, memleketti basqaratyn da, qorǵaıtyn da, ónerkásipti kóteretin de, ekonomıkany alǵa súıreıtin de adam. Óndiriske jańa tehnologııalardy engizip, olardy tıimdi basqaratyn da adam, onyń aqyl-oı eńbegi. ıAǵnı, adamı kapıtal basty róldi atqarady. Bul úshin adamǵa sapaly bilim, densaýlyq, qolaıly áleýmettik ahýal qajet. Sondyqtan da Joldaýda adamı kapıtaldy damytýǵa úlken mán berilgen. Buǵan deıin de bilim berý, densaýlyq saqtaý jáne áleýmettik qorǵaý salalary memlekettiń únemi nazarynda bolyp keldi. Bilim berý sapasyn arttyrý maqsatynda oqý baǵdarlamalaryn jańartý, pedagog kadrlardyń biliktilikterin jetildirý, úsh tildilikti qalyptastyrý, mektepterdi ınternetke qosýdy aıaqtaýdy jáne sapasyn jaqsartýdy qolǵa alý kózdelgen. Barshaǵa tegin kásiptik-tehnıkalyq bilim berý jobasyn júzege asyrýdy jalǵastyrýdyń qajettigi aıtylǵan.
Elbasy Joldaýda: «Joǵary bilim berý isinde jasandy ıntellektpen jáne «úlken derektermen» jumys isteý úshin aqparattyq tehnologııalar boıynsha bilim alǵan túlekter sanyn kóbeıtý kerek. Osyǵan oraı metallýrgııa, munaı-gaz hımııasy, agroónerkásip kesheni, bıo jáne IT-tehnologııalar salalaryn zertteý isinde basymdyq beretin joǵary oqý orny ǵylymyn damytý kerek», - dep tehnıkalyq jáne agrarlyq ýnıversıtetterdi damytý mindetin qoıǵan.
Bul mindet te bilim berý salasyna tsıfrlyq tehnologııalardy engizý maqsatynan týyndap otyr. Demek, joǵary oqý oryndary ındýstrııalandyrý barysynda jańa tehnologııalardy qoldanysqa engizýde, ónerkásipterge qajetti kadrlardy daıarlaýda, ǵylymı jetistikterdi óndiriske tıimdi engizýde negizgi bazaǵa aınalýy tıis.
«Tıimdi memlekettik basqarý bolmaı, ónerkásipti damytý, ekonomıkalyq jetistikterge jetý múmkin emes. Úkimettiń ashyqtyǵy, qoljetimdiligi bıznestiń damýyna serpin berýi kerek. Elektrondyq úkimetti jetildirý, jemqorlyqpen kúres jáne zańnyń ústemdigi, «aqyldy qalalardy» qalyptastyrý aldyńǵy qatarly otyz eldiń qataryna jetýdiń bir joly bolmaq. Onyń basym baǵyttary Joldaýda aıqyn kórsetilgen. Bizdiń elimizdiń basty muraty - táýelsizdigimizdi baıandy etip, memlekettiligimizdi nyǵaıtý. Memleketimiz myqty bolǵan jaǵdaıda ǵana ekonomıkasy damyǵan ozyq elderdiń qataryna qosyla alamyz. Ol úshin Elbasymyz N.Á.Nazarbaevtyń Joldaýda aıqyndap bergen basym baǵyttary men tapsyrmalary is júzinde júzege asýy tıis. Bul jerde memlekettik organdardyń tabandylyǵy men búkil qoǵamnyń birligi, barsha halyqtyń qoldaýy qajet. «Jumyla kótergen júk jeńil» degendeı, irgeli el bolyp, birtutas halyq bolyp qımyldasaq qana alǵa qoıǵan muratymyzǵa jetemiz», - dedi Esqaırat Haıdarov.
