Joldaýdy júzege asyrý jónindegi Jalpyulttyq jospar 7 qyrkúıekke deıin ázirlenedi

NUR-SULTAN. QazAqparat – Qazaqstan Prezıdentiniń Joldaýyndaǵy barlyq baǵytty júzege asyrý úshin 7 qyrkúıekke deıin Jalpyulttyq jospar ázirlenedi, dep habarlaıdy QazAqparat.

Aıta keteıik, búgin Memlket basshysy Qasym-Jomart Toqaev QR Premer-Mınıstri Asqar Mamındi qabyldady .

Kezdesý barysynda Asqar Mamın Qazaqstan Prezıdentiniń Joldaýyndaǵy barlyq baǵytty júzege asyrý úshin 7 qyrkúıekke deıin Jalpyulttyq jospar ázirlenip, Memleket basshysyna bekitýge engiziletinin jetkizdi.

Atalǵan jospar ekonomıkanyń ornyqtylyǵy men básekege qabilettiligin qamtamasyz etýge baǵyttalǵan sharalardy, azamattardyń ál-aýqatyn jaqsartýdy, densaýlyq saqtaý júıesi men bilim berý sapasynyń tıimdiligin arttyrýdy jáne aımaqtyq saıasatty jetildirýdi qamtıdy.

Kezdesý barysynda eldegi epıdemıologııalyq ahýal men el ekonomıkasynyń damý úderisine qatysty ózge de birqatar ózekti máseleler talqylandy.