Joldaýdy júzege asyrý: Intellektýaldy ken oryndary munaı óndirý kólemin arttyrady

ASTANA. QazAqparat - Memleket basshysynyń Joldaýyn júzege asyrý aıasynda «QazMunaıgaz» AQ Atyraý oblysynda munaıdyń ıntellektýaldy ken orny ilki jobasyn engizgen bolatyn. Osy rette elimizdiń Energetıka mınıstrligi atalǵan joba jáne tehnologııalyq jańalyqtan qandaı nátıje kútiletindigi jaıynda aıtty, dep habarlaıdy QazAqparat tilshisi.

«Atyraý oblysyndaǵy ÝAZ ken ornyna júrgizilgen ilki joba tájirıbesine  arqa súıeı otyryp, munaı óndirý kólemi 1-2 paıyzǵa artady dep kútilýde. Jobanyń negizgi maqsaty  paıdalaný shyǵystaryn qysqartý bolyp tabylady», - dep atap ótti vedomstvonyń baspasóz qyzmeti redaktsııanyń resmı saýalyna bergen jaýabynda.

Buǵan qosa mınıstrlik «QazMunaıGaz» kompanııasy jrobany engizýdiń arqasynda paıdalaný shyǵystaryn qysqartatyn mynadaı negizgi tıimdilik almaq: uńǵyma jumysyna qalpyna keltirý ýaqytyn qysqartý; jóndeýaralyq kezeńdy arttyrý; energııa tıimdiligi jáne uńǵyman jóndeýge ketetin shyǵystardyń úlesin tómendetý.

«Intellektýaldy ken orny - bul jedel baqylaý jáne shuǵyl sheshim qabyldaý úshin málimetterdi úzdiksiz óńdeý men aqparattardy monıtorıngileýdi qamtamasyz etetin tehnologııalyq parametrler men baǵdarlamalyq keshendi basqarýdyń jıyntyq quraly», - dep atap ótedi baspasóz qyzmetinen.

Aıta keteıik, QR Prezıdenti Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstanǵa halqyna arnalǵan bıylǵy Joldaýynda ınnovatsııalyq jáne servıstik sektorlardy damytýǵa erekshe kóńil bólýdi tapsyrǵan bolatyn.