Joldaýdy jańasha úlgide nasıhattaý jumysy bastaldy
ASTANA. 9 aqpan. QazAqparat - QR ІІM Іshki áskerler komıteti men L.Gýmılev atyndaǵy Eýrazııa Ulttyq ýnıversıteti Elbasy Nursultan Nazarbaevtyń halyqqa arnaǵan bıylǵy Joldaýyn jańasha úlgide nasıhattaýǵa kiristi.
Máselen, búgin Lev Gýmılev atyndaǵy Eýrazııa Ulttyq ýnıversıtetiniń bir myńǵa jýyq stýdent-jastarynyń qatysýymen saltanatty jıyn uıymdastyryldy. Onda Prezıdenttiń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty bıylǵy Joldaýy júktegen negizgi mindetter, onyń ishinde bilim-ǵylym salasyn damytýdyń basty baǵyttary týraly keńinen aıtyldy.
Al QR ІІM Іshki áskerleriniń ortalyq orkestri men án-bı ansambli arnaıy kontsert qoıyp, jastardy el úshin otanshyldyq rýhta, adaldyq pen ádildik qaǵıdattary boıynsha qyzmet etýge úndedi.
«Búgin biz Memleket basshysy Nursultan Nazarbaevtyń Joldaýyn jan-jaqty nasıhattaý jumysyn bastap otyrmyz. Eýrazııa Ulttyq ýnıversıtetinde bastalyp otyrǵan bul aqparattyq-nasıhat tobynyń jumysy barlyq respýblıkaǵa taralatyn bolady», - dep atap kórsetti QR ІІM Іshki áskerler komıtetiniń tárbıe jáne áleýmettik-quqyqtyq jumystar basqarmasynyń bastyǵy Muhametqalı Satov.
