Joldaýdy Uly dala eliniń strategııalyq jospary deýge bolady - Eraly Toǵjanov
«Negizinen, bul Joldaýdy Uly dala eliniń ekonomıkalyq, áleýmettik, tehnologııalyq jáne ǵylymı damýynyń strategııalyq jospary deýge bolady. Memleket basshysy kún tártibine Qazaqstannyń úshinshi jańǵyrýy jóninde mindet qoıyp otyr. Maqsaty - elimizdiń jahandyq básekege qabilettiligin qamtamasyz etý, ekonomıkalyq ósimniń jańa modelin qurý», - dedi Toǵjanov baıandamasynda.
Onyń aıtýynsha, bul jańǵyrý qazirgi jahandyq syn-qaterlermen kúres jospary emes, «100 naqty qadam» Ult jospary negizinde «Qazaqstan-2050» strategııasynyń maqsattaryna, bolashaqqa bastaıtyn senimdi kópir.
«Bul Joldaý - qazaqstandyq biregeılik pen birliktiń, qoǵamdyq kelisim men turaqtylyqtyń ekonomıkalyq, áleýmettiń nyǵaıýy men damýynyń algorıtmi nemese tıimdi joly. Prezıdent Úshinshi jańǵyrýdyń negizgi bes basymdyǵyn aıqyndap berdi: ekonomıkanyń jedeldetilgen tehnologııalyq jańǵyrýy, dástúrli bazalyq salalardy damytýǵa serpin berý, eńbek naryǵyn jańǵyrtý, makroekonomıkalyq turaqtylyq, adamı kapıtal sapasyn jaqsartý, ınstıtýtsıonaldyq ózgerister, qaýipsizdik jáne sybaılas jemqorlyqpen kúres. Bul maqsattarǵa jetý úshin «Qazaqstannyń ulttyq tehnologııalyq bastamasy» dep atalatyn 2025 jylǵa deıingi damýdyń strategııalyq aýqymdy jospary ázirlenedi», - dedi Eraly Toǵjanov.
Alqaly jıynda basty baıandama jasaǵan Toǵjanov: «Nátıjeli reforma jasaý belgili merzimge nemese jarııalaý ýaqytyna baılanysty. Erte jarııalansa qoǵamnyń túsinýi qıyn, kesh jarııalansa memleket damýyn tejeıdi» degen pikir aıtty.
«Bizdiń Memleket basshysynyń saıası kóregendigi - osy ýaqyt máselesin dóp basyp, reformany merzimi pisken kezde jarııalap otyr. Biz 25 jyl ishinde kezeń-kezeńmen búgingi Joldaý maqsattarynyń fýndamentin qurap keldik. Ol, eń aldymen, bizdiń birligimiz arqasynda jetken jetistikterimiz; bilimdi qoǵam Intelektýaldy ult tárbıeleý; Bolashaǵyna nyq senimdi Birtutas Ult qalyptastyrý. Mine osy negizder búgin bizge - aldymyzǵa Uly murat, Bıik maqsat qoııýǵa, álemdik órkenıette ózimizdiń ornymyzdy oıyp alýǵa, Máńgilik eldiń negizin quraýǵa múmkindik berip otyr», - dedi QHA tóraǵasynyń orynbasary.
