Joldaýdy el Úkimetine arnalǵan jol kartasy deýge bolady - sarapshy
ASTANA. QazAqparat - Nursultan Nazarbaevtyń Qazaqstan halqyna arnalǵan kezekti Joldaýy memlekettik ınstıtýttardy qaıta qurý taqyrybynyń jalǵasy. Mundaı pikirdi QazAqparattyń Bakýdegi arnaýly tilshisi Bekbaý Taımanovqa «Atlas» saıası zertteýler ortalyǵynyń jetekshisi Elhan Shahınoǵly bildirdi.
«Eger birinshi úndeý prezıdent rólin jeńildetý men parlamenttik ınstıtýttardy nyǵaıtýǵa qatysty bolsa, al bul joly Memleket basshysy el damýynyń naqty ekonomıkalyq jolyn usyndy», - dedi sarapshy.
Memleket basshysynyń Joldaýymen jete tanysqan Shahınoǵly ony Qazaqstannyń bolashaq úkimeti úshin jol kartasy dep ataýǵa bolady degen qorytyndyǵa kelgen.
«Aýys-túıisten keıin Úkimet basshysy tolyqtaı ekonomıkamen aınalysady jáne Parlamentke esep beretin bolady. Biraq, osyǵan qaramastan Prezıdent óz Joldaýynda Premer-Mınıstrdiń aldyna mindetter júktedi. ıAǵnı, osy jolǵy Joldaýynda Úkimettiń aldyna naqty mindet qoıyp otyr. Bul jańa ındýstrııa qurý arqyly eńbek ónimdiligin aıtarlyqtaı arttyryp, dástúrli bazalyq salalardyń, kólik pen logıstıkanyń, qurylys sektorynyń damýyna serpin beredi», - dedi ol.
Sarapshy sonymen qatar Qazaqstan Prezıdenti Úkimetke bıznes ókilderimen birge 2025 jylǵa deıin bazalyq salalardy tehnologııalyq turǵydan qaıta jaraqtandyrýdyń keshendi sharalaryn ázirleýdi tapsyrǵanyn eske salyp ótti jáne Úkimettiń aldaǵy ýaqyttaǵy mindeti osy joldan taımaıtyndyǵyn jetkizdi. Shahınoǵly bul mindetter endigi ýaqytta Prezıdenttiń aıryqsha quzyreti bolmaıtyndyǵyn eskertti.
