Joldaýdy júzege asyrý: respýblıkalyq joldardyń jaǵdaıy 93%-ǵa deıin jaqsardy

ASTANA. KAZINFORM — Prezıdent Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýyn jáne ózge de tapsyrmalaryn júzege asyrý aıasynda Úkimet kólik-logıstıkalyq ınfraqurylymdy damytý boıynsha jumys júrgizip jatyr. Bul týraly Úkimet málim etti.

2025 jyly qurylys-jóndeý jumystary 13 myń shaqyrymnan astam joldy qamtydy. 

 Onyń 7 myń shaqyrymynda ortasha jóndeý jumystary júrgizilip jatyr.

«Jezqazǵan — Petropavl», «Muqyr — Qulsary», «Oral — Atyraý» jáne basqa da avtojoldar qamtyldy, «Ortalyq — Batys» avtojolynyń, sondaı-aq «Aqtóbe — Ulǵaısyn», «Qaraǵandy — Jezqazǵan» ýchaskeleriniń, Saryaǵash, Rýdnyı jáne Shymkent aınalma joldarynyń qurylysy bastaldy. «Qalbataý — Maıqapshaǵaı» joly aıaqtalady. ⚖️ Artyq júktemelerdi baqylaý úshin 60 avtomattandyrylǵan ólsheý stansasy (AÓS) ornatyldy, 2025 jyldyń sońyna deıin olardyń sany 220-ǵa jetkiziledi.

— Tsıfrlandyrýǵa kóp kóńil bólinýde. Elektrondy bıletter, tsıfrlyq dıspetcherleý, boljamdy tehnıkalyq qyzmet kórsetý, zııatkerlik kólik júıeleri engizilýde, — dedi kólik vıtse-mınıstri Maqsat Qalıaqparov.