Joldaýdaǵy tapsyrmalardy oryndaý: Almaty oblysynda 6 sport kesheni salynady

TALDYQORǴAN. QazAqparat - Almaty oblysynda Elbasynyń bıylǵy Joldaýyndaǵy tapsyrmalardy oryndaý maqsatynda 6 dene shynyqtyrý-saýyqtyrý keshenin salý josparlanyp otyr. Qazirgi tańda olardyń úsheýiniń qurylysy qarqyn aldy, dep habarlaıdy QazAqparat tilshisi.

Memlekettik-jekeshelik seriktestik negizinde sport nysandarynyń qúrylysy Qarasaı aýdanynyń Raıymbek jáne Shamalǵan aýyldarynda bastaldy. Al   Qapshaǵaıda endi  salynady. Bul nysandardyń jalpy quny 8 mlrd teńge.

Jalpy óńirde 2015-2018 jyldar aralyǵynda 6 dene shynyqtyrý-saýyqtyrý kesheni salyndy.

Konstıtýtsııa kúni qarsańynda Alakól aýdanynyń ortalyǵy Úsharal qalasynda «Tarlan» dene shynyqtyrý-saýyqtyrý kesheni paıdalanýǵa berildi. Sport nysany memlekettik-jekeshelik áriptestik aıasynda salynyp, onda boks, kúres, dzıýdo, taekvondo, aýyr atletıka jáne fýtbol syndy sport túrlerimen aınalysýǵa barlyq múmkindikter qarastyrylǵan.

«Memleket basshysynyń tapsyrmalaryn oryndaý maqsatynda Almaty oblysynda sportty damytý men halyqty salaýatty ómir saltyn ustanýǵa tartý baǵytynda belsendi jumystar júrgizilýde. Búgingi kúni óńirde 3 myńnan astam sportpen shuǵyldaný oryndary men 37 sport mektebi qyzmet kórsetýde. Jalpy oblys boıynsha 500 myńnan astam adam sportpen turaqty túrde aınalysady.

«Qazirgi tańda 6 joba memlekettik saraptama qaraýynda jatyr. Ol Qapshaǵaı qalasy, Kóksý aýdany, Balpyq bı, Eskeldi aýdany Qarabulaq, Balqash aýdany Baqanas, Alakól aýdany Dostyq beketterinde Memlekettik saraptamada jatqan jobalar osy jyly qoldaý tapsa, kelesi jyly qurylysy júrgiziledi», - dedi oblystyq  dene shynyqtyrý jáne sport basqarmasynyń bólim basshysy Almat Úshkempirov. 

Illıýstratsııalyq sýret