Joldaýdaǵy mindetterdi júzege asyrýda azamattyq qoǵamnyń róli zor

KÓKShETAÝ. QazAqparat - Aqmola oblysynda azamattyq qoǵam ókilderi Memleket basshysy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn talqylady, dep habarlaıdy QazAqparat tilshisi oblystyq ishki saıasat basqarmasyna silteme jasap.

Jıyndy ashqan Aqmola oblysynyń ishki saıasat basqarmasy basshysynyń orynbasary Gúlmıra Kárimova óz sózinde bul strategııalyq qujattaǵy mindetterdi júzege asyrýda azamattyq qoǵamnyń róli zor ekenin atap ótti.

Sonymen qatar, «Eresekter bilim» qoǵamdyq birlestiginiń basshysy Erkin Isimbaev, QHKP Aqmola obkomynyń tóraǵasy Beısenbaı Májıtov, oblystyq kásipodaqtar ortalyǵynyń basshysy Qalı Rahmetov, «El birligi» qoǵamdyq birlestigi tóraǵasy Baqyt Smaǵul, «Belyı blogger» qoǵamdyq birlestiginiń tóraǵasy Erlaz Jaıyqbaev, «Zerdeli urpaq» qoǵamdyq birlestiginiń tóraǵasy Oljas Hasen Joldaýdaǵy basty mindetterge toqtaldy.

Jıynǵa qatysýshylardyń pikiri boıynsha eń tómengi jalaqynyń kólemi 1,5 esege - 28 myńnan 42 myńǵa ósýi qazaqstandyqtardyń ómir súrý sapasyn arttyrmaq. Oǵan qosa, jastardyń keler jyly «Jastar jyly» dep belgilenýi, TKSh jáne tabıǵı monopolııadaǵy qyzmet tarıfteri, memlekettik organdardyń tıimdiligi túbegeıli arttyrý máselesi de nazardan tys qalmady.

Pikir bildergenderdiń arasynda ardager jýrnalıst Baltaly Sársenbaev, oblystyq ardagerler keńesiniń tóraǵasy Ǵosman Tóleǵul, «Qazaq tili men mádenıeti» qoǵamdyq birlestiginiń tóraǵasy Meırambek Qıyqov, «Sara» qoǵamdyq qorynyń tóraıymy Sara Baımaǵambetova óz oılaryn ashyq aıtty.  Ásirese, «Aýyl - El besigi» arnaıy jobasynyń júzege asyrylatynyna senim bildirdi.

«2019 jyly basty lottar aýyldyq aýmaqtardyń áleýmettik ortasyn jańǵyrtý jáne óńirlerde eńbek ıdeologııasyn damytýǵa arnalady», - dedi G.Kárimova.

Aıta keteıik, jaqynda Kókshetaýda Aqmola oblysy ákiminiń orynbasary Aına Mysyrálimovanyń tóraıymdylyǵymen Qoǵamdyq keńes músheleri Joldaýdy talqylaǵan bolatyn.