Joldaýdaǵy mindetter qazaqstandyq jastardy ǵalamdyq órkenıet órisine baǵyttaıdy- Idaıatolla Ádihanov
KÓKShETAÝ. QazAqparat - Elbasy Joldaýynda alǵa qoıylǵan mindetter qazaqstandyq jastardy ǵalamdyq órkenıet órisine baǵyttaıdy. Bul týraly Aqmola oblystyq «Bilim-ınnovatsııa» daryndy balalar mektebiniń dırektory Idaıatolla Ádihanov aıtty, dep habarlaıdy QazAqparat tilshisi.
Onyń aıtýynsha, bıylǵy Elbasynyń Qazaqstan halqyna arnaǵan kezekti Joldaýynyń jetinshi mindetinde - adamı kapıtaldy bilim berýdiń jańa sapasyna qol jetkizý arqyly damytý kózdelgen. Búgingi tańda oqýshynyń qazaqstandyq jáne álemdik ozyq bilim júıelerin meńgerip, halyqaralyq naryqta básekege túse alatyn, shet tilderin úırenip, fýnktsıonaldyq saýattylyq pen synı turǵydan oılana alýy HHІ ǵasyr jastarynan talap etiletin daǵdy modeli bolyp tabylady.
«Pedagogıka salasynyń qyzmetkeri retinde oblysymyzda keleshek jastarǵa bilim berý baǵytynda atqarylyp jatqan jumystarǵa toqtalǵym keledi. Elbasy Joldaýynda atap kórsetilgen «Bilim berýdiń barlyq deńgeıinde matematıka jáne jaratylystaný ǵylymdaryn oqytý sapasyn kúsheıtý kerek» degen mindet qazaqstandyq jastardy ǵalamdyq órkenıet órisine baǵyttaıdy. Osy maqsatta oblys boıynsha tehnıkalyq baǵyttaǵy 151 úıirmede 4 myńǵa jýyq oqýshy bilim alýda. Sondaı-aq, oqýshylardyń izdenisin arttyryp, ǵylymǵa degen qyzyǵýshylyǵyn oıatý maqsatynda Sh.Ýálıhanov atyndaǵy Kókshetaý memlekettik ýnıversıtetiniń uıymdastyrýymen tómengi synyp oqýshylaryna arnalǵan «Balalar ýnıversıteti» jobasy júzege asyrylýda», - deıdi Idaıatolla Ádihanov.
Sonymen qatar, ol «Bilim-ınnovatsııa» lıtseı-ınternaty bilim berý qyzmetin jaratylystaný-matematıkalyq baǵytta júzege asyratynyn jáne osy pánderdi aǵylshyn tilinde oqytatynyn atap ótti.
«Lıtseıdiń oqytý úrdisinde robototehnıka tehnologııasyn qoldaný úshin oqý josparyna «3D modeldeýdiń negizderi» «S++ tilinde baǵdarlamalaý», «Robotics» tańdaý kýrstary engizilgen. Oqý barysyn avtomattandyrý tehnologııalaryna, onlaın bilim quraldaryna jáne ata-analarmen habar almasýdyń zamanaýı ádisterine qol jetkizý úshin oblys boıynsha mektepterdiń 95 paıyzy keń jolaqty Internet jelisine qosylǵan. Osy jyldyń aıaǵyna deıin ony 100 paıyzǵa jetkizý josparlandy. Bul bilim mekemeleriniń Kundelik.kz, Bilimland onlaın oqytý platformalaryn keńinen qoldanýǵa múmkindik berip otyr. 2018 jyldyń aıaǵyna deıin Smart sıtı jobasy aıasynda Kókshetaý qalasynyń 5 mektebinde «Oqýshy pasporty» baǵdarlamasyn engizý josparlanǵan. Jahandyq álemde ómir súrip, jumys isteý úshin qazaqstandyqtarǵa úsh tildi meńgerý kerektigi de Joldaýda basymdyq tapqan. Qazirgi tańda Aqmola oblysy boıynsha 117830 oqýshy úsh tilde bilim alady», -deıdi Idaıatolla Ádihanov.
