Joldaýdaǵy adam kapıtaly máselesi erekshe oılandyrady - Bojbanbaev
ALMATY. QazAqparat - Joldaýdaǵy adam kapıtalyna qatysty máselesi erekshe kóńil aýdartyp otyr, dedi Almaty ekonomıka jáne statıstıka akademııasyndaǵy Qazaqstan halqy Assambleıasy ortalyǵynyń dırektory Baýyrjan Bojbanbaev búgin Elbasy joldaýyn talqylaýǵa qatysty uıymdastyrylǵan konferentsııa barysynda QazAqparat tilshisine bergen suhbatynda.
«Almaty ekonomıka jáne statıstıka akademııasy janynan 2016 jyly jeltoqsan aıynda Qazaqstan halqy Assambleıasy ortalyǵy quryldy. Búgin osy ortalyqtyń uıymdastyrýymen «Qazaqstannyń úshinshi jańǵyrýy: jahandyq básekege qabilettilik» atty Elbasy Joldaýyn talqyladyq. Joldaýdaǵy adam kapıtaly máselesin kóp kóńil talqyladyq. Bıyl kásiptik tehnıkalyq bilim jańǵyrmaq. Biz, bilim ordasy bolǵandyqtan bolashaq mamandardyń kásibı sheber ǵana emes, otanshyl azamat bolyp qalyptasýyna da kúsh salamyz», - dedi Baýyrjan Bojbanbaev.
Aıta keteıik, búgin Almaty ekonomıka jáne statıstıka akademııasy Qazaqstan halqy Assambleıasy ortalyǵynda «Qazaqstannyń úshinshi jańǵyrýy: jahandyq básekege qabilettilik» atty konferentsııa ótti.
