Joldaýda túıtkildi máseleler ashyq aıtyldy - Aqberen Elgezek
«Prezıdenttiń bıylǵy Joldaýy óte mazmundy boldy. Birinshiden, Prezıdent ekonomıkada bolyp jatqan jaǵdaılardy jasyrmaı aıtty. Soǵan baılanysty qabyldanatyn negizgi sharalardy jetkizdi. Bul degen sóz bılik pen halyqtyń arasy jaqyndap jatqanynyń belgisi retinde kórindi maǵan»,- dedi spıker.
Aqberen Elgezek Joldaýda aıtylǵan Ulttyq geologııalyq barlaý qyzmetin qurý jaıly óz oıyn bildirdi.
«Meniń bilýimshe, Qanysh Sátbaevtan keıin, sonaý Keńes úkimetinen keıin bizdiń qazba baılyqtarymyz, jer qoınaýymyz tolyq zerttelmegen. Ol bizdiń ınvestorlardy durys tarta almaı otyrǵanymyzdy kórsetse kerek. Joldaýda aıtylǵan Ulttyq geologııalyq barlaý qyzmeti jerimizdiń qoınaýyndaǵy baılyqty elimizge tolyq jetkizip, osy baǵytta otandyq kásipkerlerimizge jumys jasaýǵa múmkindik berý kerek dep sanaımyn. Ol týraly Joldaýda aıtyldy», - dedi ol.
Spıkerdiń aıtýynsha, aýyl sharýashylyǵyna qatysty qatysty máseleler de jan-jaqty qozǵalǵan.
«Prezıdent aýyl sharýashylyǵyndaǵy jemqorlyq, sýbsıdııa berý jónindegi qanshama zańsyzdyqtardyń betin ashyp aıtty. Kez kelgen másele ashyq kórsetiletin bolsa, onda onyń nátıjesi ári qoǵamnyń baqylaýynda bolady. Jalpy bıylǵy Joldaýdyń óne boıynan ashyqtyq, eldegi qalyptasqan jaǵdaıdy túzeý jáne halyqtyń ál-aýqatyn kóterýge degen nıet anyq baıqalyp tur. Biz osyǵan qýandyq», dep atap ótti Jazýshylar odaǵy tóraǵasynyń birinshi orynbasary.
Sondaı-aq aqyn Joldaýdaǵy bilim, qazaq tili máselelerine qatysty óz oıyn bylaısha órbitti.
«Bilimge qatysty aıtylǵan barlyq máseleler men tapsyrmalardy qoldaımyn jáne sonyń barlyǵy oryndalady dep úmittemin. Al qazaq tiliniń mártebesine keler bolsaq, kókirek kózi oıaý, kózi ashyq adamdar ony dıplomatııalyq qadam ekenin jaqsy túsinedi. ıAǵnı, soltústiktegi kórshimizge qatysty, orys tili men qazaq tiliniń qoldanylýyna baılanysty jasalǵan dıplomatııalyq qadam dep túsindik. Alaıda, ishki saıasatta, ıdeologııamyzda qazaq tilin kóterý jumystary múlde basqa arnada júrgizilý kerek dep oılaımyn.
Taǵy bir atap óter nárse, burynǵy Joldaýlarda kóbinese Úkimetke, Parlamentke jáne basqa organdarǵa tapsyrma berýmen shekteletin. Osy Joldaýda zııaly qaýymǵa úndeý jasaldy. Prezıdenttiń «sizder osyǵan qatysyńyzdar, jas daryndardy qoldaý jóninde birlesip másele shesheıik» degeniniń ózi jalpy zııaly qaýymdy biraz kóterip tastady dep esepteımin.
Jalpy, Joldaý búgingi zaman aǵymyna, qoǵamdaǵy qalyptasqan jaǵdaıǵa, onyń ishinde álemdik jaǵdaıǵa baılanysty óte naqty ári ýaqytyly jasalǵan dep sanaımyn»,- dep sózin qorytyndylady A.Elgezek.
Foto: adebiportal.kz
