Joldaýda tapsyrylǵan mindetterdi eldiń árbir azamaty oryndaı bilse memleketimiz órkendeı túsetini belgili - tarıhshy
ALMATY. 16 aqpan. QazAqparat /Ádilet Musahaev/ - Búgin Almaty qalasy tarıhynyń murajaıynda QR Prezıdenti N.Á. Nazarbaevtyń halyqqa Joldaýyn talqylaýǵa arnalǵan jıyn ótti.
Atalǵan sharaǵa Qaıdar Aldajumanov, Qundyzaı Erimbetova, Áýezhan Shashaeev jáne Sáýelbek Rústemov syndy tarıhshy ǵalymdar men stýdent jastar qatysyp, bıylǵy Joldaýdyń mańyzdylyǵy men ereksheligi jaıynda baıandap, keńinen talqylady.
Tarıh ǵylymynyń kandıdaty Q. Aldajumanov Elbasynyń bıylǵy halyqqa Joldaýy elimizdiń qazirgi jáne keleshektegi damý barysyn aıqyndap bergen mańyzy bar tarıhı qujat dep qabyldaǵan jón ekendigin aıtady. «Atalǵan Joldaýda burynǵy alǵa qoıylǵan mindetterdiń qalaı oryndalǵandyǵy baıandalyp, keleshekke jańa maqsattar qoıyldy. Máselen, ǵylym, bilim salasyn damytý, áleýmettik salany kóterý, sonymen qatar Táýelsizdik alǵannan bergi elimizdiń álemdik qaýymdastyqta qandaı jetistikterge jetip, bedeliniń artqany baıandalady. Joldaýda tapsyrylǵan mindetterdi eldiń árbir azamaty oryndaı bilse memleketimiz órkendeı túsetini belgili», -deıdi ol.
Al Q. Erimbetova bıylǵy Joldaýdyń ereksheligi halyqtardy yntymaqtastyqqa, tutastyqqa shaqyrý ıdeıasy kórinis taýyp otyrǵandyǵyn aıtyp ótti.
