Joldaýda mektepter salýǵa, joldardy jóndeýge zor mán berilgen

ASTANA. QazAqparat - Elbasy N.Á.Nazarbaev 2015 jylǵa arnalǵan dástúrli Joldaýynda Qazaqstannyń «Nurly jol» dep atalatyn Jańa ekonomıkalyq halyqqa arnalǵan saıasatyn jarııalady. Qazaqstan ekonomıkasyn arttyrýmen álemdegi ozyq 30 memlekettiń qataryna kirý maqsatynda halyqty bilim men eńbekke shaqyrǵan baǵdarsham ispetti taǵy da bir strategııalyq jospardy naqtylap berdi.

Egemen elimizdiń ósýi men órkendeýi jo­lynda Elbasynyń jyl saıynǵa halyqqa arnalǵan Joldaýynyń máni men maqsaty zor. Shyndyǵynda, bıylǵy Elbasy baıandamasy­nyń ózindik erekshelikteri jeterlik. Ózge Joldaýlardan ereksheligi de sonda - qazaq eliniń joldarynyń salynýyna erekshe kóńil bólinýi bolyp otyr.

Men Prezıdent Joldaýyn tyńdaı otyryp, Qazaq eliniń bolashaǵyna degen úlken áser aldym. Rasynda, búgingi kúni búkil álem daǵdarystan arylmaı tur. Jahandy sharpyǵan álemdik ekonomıkalyq daǵdarystan shyǵýdyń jolyn tabý men aıqyndaý Elbasymyzdyń taǵy bir kóregendigin baıqatsa kerek. Joldaýda mektepterdi jóndeýge jáne jańalaýǵa 20 mlrd., joldar salýǵa 70 mlrd. teńge bólinetininiń ózi halyqqa jasalyp otyrǵan úlken jaǵdaı. Jol - ómirdiń baılanysy men tamyry. Osy joldardy salý barysynda 200 myńdaı jumys orny ashylyp, qanshama adam jumyspen qamtylady. Prezıdent Nursultan Nazarbaev: - Saıyn dalamyzdyń arasyna jol salsaq, ekonomıka órkendeıdi. Mysaly, Eýropa Uly Otan soǵysynan keıin ınfraqurylymdy durys­taýdan bas­tady. Ispanııa, Germanııa sııaqty memleketterdiń damýy jol salýdan bastalǵan. Son­dyqtan Astanany Ońtústikpen, Shyǵys, Batys, Soltústikpen baılanystyrý úshin jol salamyz, - dedi óz sózinde. Tipti «Nurly joldyń» aıasynda shetelden termınaldar salý josparlanyp otyr. Al osyndaı aýqymdy ınfraqurylymdyq jobalardy júzege asyrý úshin Ulttyq qordan 500 mlrd. teńge bólinbek. Sonymen qatar munaıdan túsken tabys saqtalǵan Ulttyq qordan aldaǵy 3 jylda bıýdjetke 3 mlrd. dollardan bólinbekshi. Salynatyn joldar da, ǵımarattar da, jastarǵa arnalǵan qoljetimdi baǵadaǵy baspana da, bilim oshaqtary, t.b. bolsyn munyń bári Elbasy Joldaýyndaǵy aıtqan Máńgilik Eldiń irgesiniń myqtylyǵy men bolashaq urpaqtyń baqyty úshin búgingi eldiń jasap jatqan eńbegi.