Joldaýda kóterilgen máselelerdiń bári mańyzdy – Dıdar Amantaı
Onyń aıtýynsha, Joldaý - elimizdiń damýynyń bolashaǵy úshin jasalyp otyrǵan úlken baǵdarlama.
«Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna arnaǵan kezekti Joldaýyn tikeleı efırden muqııat tyńdadym. Joldaý mazmundy boldy. Onda búgingi qazaq eliniń ishki jaǵdaıy men syrtqy ahýaly tolyq qamtyldy. Eń bastysy úlken ekonomıkalyq jobalardan bastap, óner adamdarynyń qal-jaǵdaıyna deıingi aralyq túgel qamtyldy»,- deıdi Dıdar Amantaı.
Spıkerdiń sózinshe, pandemııa halyqtyń ómir súrý salty men deńgeıine qatty áser etti. Halyq memlekettiń qoldaýy men qorǵaýyna muqtaj.
«Mine, osy tusta Memleket basshysy Joldaýynda halyq óz máselesimen bet-bet qalmaıtynyn aıtty. Prezıdent pandemııa kezinde qazaq ekonomıkasy qandaı baǵytta damıdy, qandaı sharýalardy qolǵa alý kerek ekenin ret-retimen aıtyp berdi. Sonymen qatar, bilim salasy men onyń sapasy erekshe nazarǵa alyndy. Prezıdent oqý ornynda bilim alǵan stýdenttiń kvalıfıkatsııasy jumysqa ornalasqanda kelmeı qalatynyn basa aıtty. Sebebi qazir tehnologııa damyp jatyr. Osyny eskerý kerektigin eskertti»,- deıdi jazýshy.
El Táýelsizdiginiń 30 jyldyǵyna sáıkes kelip otyrǵan Joldaýda qozǵalǵan negizgi taqyryptardyń biri mádenıet pen óner boldy.
«Prezıdenttiń óner adamdaryn qoldaý mehanızimin qalyptastyrý kerek degeni unady. Taǵy bir erekshe atap ótetin tusy ol- Qazaqstan eliniń áleýmettik memleket ekendigi. Turmysy nashar otbasylarǵa túrli kómek uıymdastyrylady. 2022 jyldyń birinshi qańtarynan bastap eń tómengi jalaqy 42 500 teńgeden 60 myńǵa kóteriletin boldy. Jalpy, Prezıdent bárin satylap aıtyp berdi. Endigi kezekte, ony oryndaý kerek», - dep túıindedi oıyn Dıdar Amantaı.
Foto: qazaqadebieti.kz
